Hochwuerdigen wolgeborn Edeln und vesten genedigen lieben herrn, ewern gnaden unser willig dinst allzeit bevor, ewern gnaden tuen wir zewissen, das uns gewisse warnung von dem wolgeborn Edeln herrn Graf Gorigen von sand Gorigen und von andern unsern gueten frewndten und Guenne-ren koemen sind, wie sich die veind vast besammen zu Tyrna und besunderleich daselbs zu Tyrna der Orsakch Michel nu als auf drew Tausent Mann ze rossen und ze fuessen beyeinander hat, und maynen fur sich heruber in das lannd zu ziehen und sich versuechen an die Stat hie ob Sy die bey tag und bey nacht mochten gewinnen, und wann ewern gnaden wol wissenleich ist das die Stat hie nicht wol zugericht zu der wer, auch klain am volkch ist. Davon so bitten wir ewr gnad diemutik-leich ewr gnad welle solh gesloss an der grêntz gelegen mit ainem puchsenmaister und volkch fursehen und zuschueb tuen des grasse notdurfft ervordere, auch uns ewern gnaden Bevolhen lassen sein das wellen wir umb ewr gnad gehorsamleich verdienn. Geben ze Haimburg an phintztag nach Martini Anno etc. XLIIII°. Richter und Rate der Stat ze Haimburg.

Source Fulltext: Peter Peusquens