Ludweig der Jungst, von gotes genaden Pfaltzgrave bey Rein und Hertzoge in Bairen Unsern grus zuvor Ersamen weisen besunderlieben Wann uns durch den Ersamen Maister Hannsen Toppfen, der dann auß unserm lande zu Oettingen puertig ist furbracht, das ietzo ein Collegiat vergangen sey an desselben State ir dann ainen ze geben und ze fuerdern habt Und wann nu der benanter Maister Hannes ein kunstreicher und vil guter Siten und tugenten ein Mann ist und sich bei der Schule zu Wienn gerne halten wolt, So bitten wir ew mit sunderlichem vleisse Ir wollet in umb unsern willen an des vergangen Collegiaten State ob das aber ditzmals nit sein moecht furan wo sich das begebe zu andern sachen fuerderen daran beweist ir uns sunder gut gevallen. Geben an montag nach Aller Heiligen tag. Anno domini etc. quadragesimo quarto.

Source Fulltext: Peter Peusquens