Fridreich von gotes gnaden Romischer kunig zuallenzeiten Mêrer des Reichs, Hertzog zu Oester-reich und zu Steir etc. Erbern weisen lieben getrewn. Wir Begern an ew mit fleiss, daz Ir unserm getrewn Berthelmen Vashan ewr gnuegsam sicherhait und gelaitt gebet seiner gelter und mênik-lichs halben, sicher und ungehindert gen wienn zekomen ain gerawme zeitt da zesein und wider von dann an sein gewarsam, und Im gen denselben seinen geltern, auch hilffleich rattsam und furderleich seyt, daz er von In guetlich gehalten, und in dhain verderben nicht pracht werd, damit er sich selbs, sein hawsfrawn und kinder genern und hinpringen muege, wann er sich willigen er-peutet, allen seinen fleisz dartzu zekern und zetun, damit er die beruerten sein gelter, als fuer-derlich ist und er mag, zuentrichten und benugig zemachen. Daran tut Ir uns ain gut gevallen, und unser maynung. Geben zu der Newnstat an sannd Symon und sannd Judas abend, anno domini etc. XLIIII°, unsers Reichs im funfften jare. commissio propria domini Regis.

Source Fulltext: Peter Peusquens