Fridreich von gots gnaden, Romischer kunig zuallenzeiten Merer des Reichs, Hertzog ze Oester-reich und ze Steir etc. Erbern weysen lieben getrewn Als wir ew vormaln muendleich und dar-nach schrifftleich gebeten haben fuer unsern lieben andêchtigen Castelln Nusser unsern hofcaplan Im ain gotsgab ewrer lehenschafft die ain aigen behawsung ze wienn hiete, zeverleihen. Also begern und bitten wir euch aber mit fleiss, daz Ir demselben Castelln oder seinem anwalt an seiner stat ain gotsgab ze wienn ewrer lehenschafft, wan Si ledig wirdet, und die ain behawsung habe, durch unsern willen fuer all ander leihet, und In damit fursehet damit er unser darInn empfinde zegeniessen, und vertzeihet uns des nicht, als wir euch sunderleich getrawn. Das wellen wir gnêdicleich gen euch erkennen. Geben zu Nueremberg an sand Matheus tag, des heiligen zwelfpoten, anno domini etc. quadragesimo quarto, unsers Reichs im fuemften jar. commissio propria domini Regis.

Source Fulltext: Peter Peusquens