Friderich von gotes gnaden Ertzbischof zw Saltzburg Ersam weis besunderlieb. Wir haben Hannsen Zentgrafen unserm diener und getrewn ettwas unserer und unsers Gotshauss notdurft und Sache an euch ze bringen bevolhen. Bitten wir euch mit fleiss Ir wellet Im, was er euch auf ditsmal daraws sagen wirdet gêntzlich gelawben und Im in den selben unsern Sachen hillflich und beybestenndig sein, und euch darInn beweysen, als wir dann des ein sunder wolgetrawen zu euch haben, das wir umb euch widerumb beschalden wellen wo sich das gebueret. Geben zu Salzburg an Mitichen nach unserer lieben frawn tag Nativitatis, anno domini etc. XLIIIIto .

Source Fulltext: Peter Peusquens