E(r)sam wolweis Sunder Gunstig herren und fuerdrer. Unser erpietleich dinst bevor in allem wolgevallen. Fursichtig herren als wir euch vordes geschriben haben von wegen des Panngrez wie der mit vil volks ze Rossen und fuessen auch gezeug sich zu uns nêhen und den Markt sand Marein in der Schut aufgehaben und gantz beraubt hab. Nu besetzen dy seinen und machen auch yetz ain Teber in der Schut. Dez zu wenden wir ze unmugend sein Darnach aver verrer nach dem mainen fursich anzegreiffen Rekkendorf auch Kerelburg dy zubesetzen zu schaden dem lannde Osterreich Davon den gegenten allenthalben verderben mag ergen und zemal uns und also teglich bey uns tag und nacht wartund sein darauf wir euer hilff notturft sein zu unser beschuttung und hoffen uns nicht zuverlassen, wann ob ir uns euer hilff zuschub tuet so mainen wir solich unser veindt nit lassen zewurtzen in solicher nehent, den lannden zuschaden und begeren daruber euer fursich-tichait gunstige und fuerderliche verschribene anntburt. Datum zu Prespurg an erchtag sand Lamprechts tag anno domini millesimo quadringentesimo quadragesimo tercio. Richter und Rate der Stat zu prespurg

Source Fulltext: Peter Peusquens