Fridreich von gotes gnaden Romischer kuenig zuallenzeiten Merer des Reichs Hertzog zu Oster-reich und zu Steir etc. Erbern weisen und lieben getrewn. Als wir euch vor zu zwain malen geschriben haben ewrn fleis zetun, von besliessung wegen einer eelichen heyrat, zwischen unserm getrewn Andreen Schoenpruckker, unserm diener, und weilend des. Lyenfelder. toechterlein ainem. Also vernemen wir, wie ettlich ewrs Rats, soelich heyrat, zum erstern an denselben unsern diener geworben und gebracht haben. Dadurch die pillich einen fuergangk gewynnnet. Darauf ist unser maynung und begern mit ernst, daz Ir daran seit damit solichem anbringen, auch unserm vordern schreiben und begern, enndtlich nachgegangen, dadurch die bemelt heyrat, kuertzlich und fuerderlich beslossen werde. Geben zu der Newnstat an pfintztag vor unser lieben frawn tag Nativitatis anno domini etc. XLIII°, unsers Reichs im vierden jare. com(missi)o domini regis per landscrib(am) Stir(ie).

Source Fulltext: Peter Peusquens