Fridreich von gots gnaden Romischer kuenig zu allenzeiten merer des Reichs, Hertzog zu Oester-reich und zu Steir etc. Erbern weisen und lieben getrewn. Als Kaspar Herman, ainen kauff mit Hannsen dem Frannkchen ewrm mitburger ze Wyenn von ains hauss wegen getan hat. Begern wir an ew mit sunderm vleiss und ernst, daz Ir demselben Kasparn Herman, zu solichem kauff umb unsern willen guenstlich und fuerderlich seyt. Und In zu demselben haws also kommen lasset, und daran dhain Irrung noch hindernues nicht tuet, in dhainweg. Daran tuet Ir uns ain sunder guet gevallen. Geben zu der Newnstat, an Eritag vor unserr lieben frawn tag Assumptionis. Anno etc. XLIII°, Unsers Reichs im vierden Jare. Commissio domini Regis Georio de Tschernembl camerario referente

Source Fulltext: Peter Peusquens