ERsamen Grosweisen besundern liben herren gutigen Gonnêr und furdrêr Meines vermuegens willige dinste sind Stetes berait in wolbeheglicher willikait Ewren Grosweisen Ersamkaiten denselbigen Ich von allem meinem gemute, mitsambt meinen besundern liben herrn alhie der Stete..Cascha Lewtscha. etc. vor andern guennen, wolfart gesunthait, hailsame gelukselikeit in allem guete nach aigenem wunsch begerung. Als uns selbist alltzeit tzu sunderlichen eren nutz und frewden ewrer Groswirdikait tzu beistendikeit und troste. Czw der itzunder erscheinen wirt, der Edle her Jan Oskart von Leschegk, mein grosgelibter haimlicher freunde, und besunder ge-trewêr, was derselbe wirt reden mit ewr aller Ersamkait, dem geruchen Ewr aller Groswirdikait, tzw gelauben, als Ich selbist gegenwurtige wêr in aigener person, vor ewr aller Ersamen weishait, derselben Ich mich bevelhe, und dy auch Got der herre enthalt in wolfart und gesunthait tzw seligem begerten ennde. Geben tzw Caschaw am negstenn Mittwochen vor sannd Urbans tage. Anno domini Millesimo Quadringentesimo Quadragesimo Tertio. Jan Giskra von Brandis kunig Lasslaves... hauptman. Graf czum Saros ewr williger diner.

Source Fulltext: Peter Peusquens