Unser willig dienst alltzeit bevor, Namhafften fursichtigen und weisen lieben herrn, wir sennden zu ew die gegenwurtigen weiser des briefs unser mitpurgêr den wir bevolhen haben ettwas sachen von uns underweisten an ew zewerben und zepringen, die ew und uns beruerent, und was Sy an ew ditzmals von unsern wegen werben und anpringen werden, das wellet ir In gêntzleich gelauben als uns selben, und bitten ewr weishait mit sunderm vleyss, das ir In in denselben sachen peisten-tig ratsam und hilffleich wellet sein das wellen wir umb ew mit vleyss verdienn. Geben ze Haim-burg an freytag vor dem Suntag Reminiscere in der vasten Anno domini etc. Quadragesimo tercio. Richtêr und Rat der Stat ze Haimburg

Source Fulltext: Peter Peusquens