Wir Andre Hiltprannt, zu den zeiten Burgermaister, und der Rat, der Stat zu wienn, Bekennen. Als uns, her Thaman von Maispirbawm, ain mess, die weilent Ulreich Flekch, in sand Johans Cappellen im werd, gestifft hat, der wir lehenherren sein, willigcleich hat aufgeben, daz wir dieselben mess, dem erbern herren, hern Hainrichen Hulger, verlihen haben, und leihen Im auch die wissentlich, mit chrafft des briefs. Also daz er, die Gueter, die zu der egenanten mess gehoe-rent, und gestifftet sind, pewlichen Innhaben, nutzen, und niessen, und die vorgenant ewig mess, davon ausrichten, und verwesen sol, durch des egenanten Ulreichs Flekch, und aller gelaubigen seln hails willen, ordenlichen an alle sawmung, ungeverlich. Mit urchund des briefs besigelt mit unserm clainem anhangundem Insigel. Geben zu Wienn, an phintztag vor Oculi in der vassten. Nach Cristi gepurd virzehenhundert und darnach in dem zwayundvirzigistenn Jare.

Source Fulltext: Peter Peusquens