Ich Hanns Waldner dietzeit des Rats und kamrer der Stat zu Wienn, Bekenn daz Ich zu der Stat hannden, ingenomen und emphangen hab, von den erbern weisen, Micheln Linfelder, diezeit auch des Rats und Dietreichen dem Starhand burger zu Wienn baid verweser der Stat Gruntpueher, zwayhundert pfunt wienner pfenning, die dy erbern Linhart Lehenholtzer und Stepfan Meichsner, von der Danielin haws wegen zu dem Gruntpuch nidergelegt habent, und gehorent Hainreichs des Tewrbicht seligen nachsten erben. Davon sag Ich die egenanten verweser, Ir erben und Nach-komen, der vorgenanten zwairhundert pfunt quit und ledig Mit urchunt des briefs besigilt mit meinem aufgedrukchtem betschad. Geben zu Wienn an Mitichen vor sand Jacobs tag im Snit Anno domini etc. Tricesimo Octavo.

Source Fulltext: Peter Peusquens