Leonardus Dei et Apostolice Sedis gratia Episcopus Pataviensis, dilecto in christo..vicario ad sanctum Michaelem Wienne nostre diocesis. Salutem in domino. Quia ad Altare sancti Erhardi situm in Cappella sancti Petri wiennensis eiusdem nostre diocesis, vacans ad presens per liberam resignationem Georgii Spêt de Waidhoven immediati Rectoris eiusdem, in manibus nostris sponte factam, per nos receptam, et admissam, dilectum in Christo Petrum Liebharter Rectorem Ecclesie parochialis in Weikendorff presbyterum prefate nostre diocesis, ad presentationem Reverendi in Christo patris domini et amici nostri carissimi, domini Nicodemi Episcopi frisingensis. Ad quem Jus presentandi supradicti Altaris pertinere dinoscitur, Rectorem instituimus per presentes. Ipsumque per libri traditionem ut moris est, presentialiter investivimus de eodem, curam et administra-tionem spiritualium et temporalium sibi in eo plenarie committentes. Quapropter tibi in virtute sancte obedientie firmiter committimus, quatenus supradictum Petrum Liebharter aut eius legitimum procuratorem, in et ad corporalem possessionem supra nominati altaris, juriumque et pertinentiarum omnium eiusdem inducas et inductum defendas, faciasque sibi de fructibus redditibus proventibus iuribus et obventionibus universis ad dictum altare spectantibus ab omnibus quorum interest integre responderi. Contradictores et rebelles quoscumque Auctoritate nostra per Censuram Ecclesiasticam firmiter compescendo. Datum Wienne Mensis Maii die decimanona Anno domini Millesimo quadringentesimo trigesimo secundo.

Source Fulltext: Peter Peusquens