Wir Albrecht von gotes gnaden Hertzog ze Österreich, ze Steyr, ze Kêrnden, und ze Krain, Markgraf ze Mêrhern, und Graf ze Tyrol etc. Bekennen. Daz wir unserm getrewn, Thoman dem Judenmayr, zu kauffen geben haben, und geben auch wissentleich mit dem brief, ainn Weingarten des ain Jeuch ist, ze Praitensee, im Obern Altemperg zenechst Hannsen des Verber weingarten gelegen, der weilent Hainreichen des Verber, korherren zu sant Stephan ze Wienn, ist gewesen, und des wir uns von solher geltschuld wegen, die er uns in unser kamer hat schuldig beliben, underwunden haben. Umb fuemfundsechtzig phunt wienner phenning, der wir gantz, und gar von Im, entrichtet, und gewert sein. Davon suellen und muegen, der vorgenant Judenmair, und sein erben den egenanten weingarten mit seinr zuogehoerung nu fuerbazzer in kaufsweis ynnhaben, nuetzen, und niessen, und iren frumen damit schaffen, wie In, das am pesten fuegt, oder wolgevellet, als kaufs und lands Recht ist, ungeverleich. Wir sein auch darauf ier fuerstand, und scherm, vor gewalt und unrecht. Mit urkunt des briefs. Geben ze Wienn, an sant Ulreichs tage. Nach Kristi gepuord Viertzehenhundert Jar darnach in dem Achtundzwaintzigisten Jare. d. d(ux) per B(ertoldum) de Mangen, m(agistrum) hub(arum), ad relationem Alberti im Weyer.

Source Fulltext: Peter Peusquens