Wir Albrecht, von gotes gnaden, Hertzog, ze Oesterreich, ze Steir, ze Kêrnden, und ze Krain, Marggraf ze Mêrhern, und Grave ze Tirol etc. Embieten den erbern weisen, unsern lieben getrewn..dem Burgermaister..dem Richtêr, und dem Rat, zu Wienn . unser gnad und alles guet. Als wir vor mênicleich, zu Wienn, in der Stat, und vor der Stat, wonend gevordert haben, zu uns ze koemen, und uns wider die ketzer, ze helffen. Emphelhen wir ew gar ernstleich, und wellen, daz ir alle legrêr, und kaufleut, ze Wienn, die der Stat, und des lands genissent, vordert, und In von unsern wegen ernstleich emphelhet, zu uns heraus ze koemen, so Si sterkest muegen, wan ob ettleich des nicht têten, des wir doch nicht hoffen so wolten wir gedenken, was uns hinfuer darzue ze tuen wêr, damit Si nicht frum davon emphiengen, das ist unser ernstleiche mainung. Geben im veld vor Luntenburg, an sant Simons, und sant Judas tag. Anno etc. vicesimo sexto. d. d(ux) in cons(ilio).

Source Fulltext: Peter Peusquens