Unser willig dienst wisset altzeit vor Erbern weysen Als Hainreich Hekchel selig weylent unser mitpuerger, ettleich gescheft und bestettbrîf bey ew In den Ratt zu dem Gruntpuech dernyder gelegt hat, der selben brif, des egenanten Hekleins witib und Ir Suen auf den nachstkuenftigen Suntag wol bedarften und In der noet wêr, wann sy ze Guempoltzkirchen einen begeben tag von weingerten wegen auf den benanten Suntag haben muessen. Nu kuempt der gegenbuertig Lien-hart Chastner unser Ratgeswarn von Ir baider wegen, daruemb zue ew. Bitten wir ewer tugent mit allem fleizz Ir wellet ym dieselben gescheft und bestettbrif zu dem tag also angever leyhen, ew die unversert wider ze antwuerten, oder ym aber, derselben brif vidimus geben. Das wellen wir umb ew und die ewern In einem soeleichen oder groesserm getrêwleich verdienen Wann sich das bey uns gepueret. Geben an Mitichen vor Sand Oeswalts tag Anno domini Millesimo Quadringen-tesimo Decimo Nono. Buergermaister Richter und der Ratt In der Newnstat.

Source Fulltext: Peter Peusquens