Den Ersamen weysen dem ynnern und dem aussern Ratt der Stat ze Byenn Enpewt Ich Mertt Wusinger Stat Richter zu Veklapruk und wir der Ratt und dye Purger gemainchleich da selbs vleizchleich unsern willigen dienst Lieben herren als yr ewer potschaft pey uns gehabt habt von einer newen muenizz wegen di dew hochgeporn fuersten unsern genadigen herren di hertzogen zu Osterreich etc. maynent auf ze berffen dar umb haben wir uns mit anderen Steten ob der Enns beraten und chunnen anders nicht erdenchken wenn solt dy muenzz alzo furganchk haben oder gewinnen als wir ez vernuemen haben daz waer unser aller verderben Getraw wir ewrer weyshayt wol yr Ratet und helffet mit solher pett an di genadigen unser herschaft daz wir soeleichs ver-sechleichs unsers verderbens uber haben werden daz well wir all zeit umb ew und umb dye Ewren verdyen versigelt mit der Stat aygen aufgetruchten insigel Geben am freytag vor Reminiscere in der Vasten ym Viertzehen hundertisten iar.

Source Fulltext: Peter Peusquens