Elizabeth dei gratia Regina Ungarie Polonie Dalmatie etc. fidelibus suis universis Praelatis Baronibus Comitibus, Castellanis Nobilibus, Officialibus, et aliis cuiusvis status et conditionis hominibus. Item civitatibus et liberis villis earumque Rectoribus, intra ambitum Regni nostri Ungarie, constitutis quibus praesentes ostenduntur. Salutem et gratiam. Gravis querela universorum mercatorum de Vyenna et Austria, nostre maiestati porrecta nobis detexat eo modo, quod cum ipsi pro aquirendis ipsorum victui necessariis, cum mercantiis ipsorum diversorum generum et specierum existentibus per climata predicti Regni nostri proficiscerentur per nunnullos ex vobis arestarentur et in personis per vos iudicarentur. Potissime pro debitis offensis et excessibus aliorum, unde cum Immunes et Innoxii pro reis et culpabilibus punire non liceat quoquomodo Igitur fidelitati vestre firmissimo damus reginali sub precepto, quatenus, a modo et deinceps in antea ipsos mercatores de Vienna et Austria, cum ad possessiones et tenuta vestra, ac vestri in medium communiter vel singillatim, cum mercantiis eorum, cuiuscunque generis eadem existant, memoratis perveniant ipsos pro debitis et offensis aliorum in rebus arestare et in personis iudicare, ad propositiones quorumcumque, nequaquam audeatis, nec presum(pm)atis Et aliud sicut nostram gravissimam indignationem incurrere formidatis non facturi in permissis. Si autem ipsi debitores et culpabiles Mercatores per aliquos ex vestris arestati fuerint, pro eorum propriis debitis et offensis ex parte eorumdem faciatis iustitie complementum cuilibet querelanti iustitia suadente. Datum in Chepel in festo beati Johannis ante Latinam portam, Anno domini Millesimo CCCmo LXXXmo primo.

Source Fulltext: Peter Peusquens