Ich Matheus Pader zu Lynncz bekenn fur mich, mein hausfraw, all unser eriben und nachkomen, lebentig oder kunftig, und tun kund mit dem offen brief allen,/ den er zu sehen, horen oder lesen furkumbt, als von der ho[…] ain hof genant der Poschhof in der Riedmarch [Aw], Gallnewkircher pfarr gelegen, den ich mir, meiner eerernn/ hausfraw Margreten seligen und meinen eriben umb [hundert] reinisch gulden kauft von dem erwirdigen geistlichen herren, herrn Connraten, abbt zu Wilhering loblich-/ en gedachtnuss und dem convent daselbs innehallt des kaufbrief deshalben ausganngen und mir gegeben, der annder hof genant der Obertumelhof zu Pasching im Tai-/ nawtal lanndgericht gelegen, den ich auch mir, meiner anndern hausfraw Margreten und meinen eriben von dem erwirdigen und geystlichen herren herrn Urban, abbt des be-/ stimbten goczhaws Wilhering auch loblicher gedachtnuss und dem convent daselbs umb hundert ungrisch gulden kauft hab [nach inn]hallt und ausweysung dessel-/ ben kaufbrief darumben ausganngen und mir gegeben […] von sunder grosser lieb und trew wegen, so ich und mein hausfraw zu dem benanten goczhaws haben und ge-/ naigt […] angesehen den loblichen goczdinst taglich [daselbs] gehallten, hab ich mit gu/ottem willen gar wolbedachtlich meiner vernunft und zw den zeyten, do ich das an-/ manicklichs [irrung] und widersprechen rechtlich [wol gethun] mocht, auch guet recht het ze tu/on ain besunder ordnung und gemacht fur mich genomen, mach und verschreib/ auch wissentleich in chraft des briefs [den erwirdigen] geystlichen herren, herrn Thoman, yecz regierunden abbt zu Wilhering, dem conventt daselbs und allenn/ iren nachkomen dy obemelten [mein] zwen hoff allen iren zugehorungen, eeren, rechten, gullten, nuczen und gesuechen, gants ledig frey an alles gellt beleiben und nach-/ zuvolgen inder maynung, wenn ich obenanter Matheus Pader mit tod an elich leiberiben abgieng, da got lanng vor sey, so sullen dieselben oberurtten zwen hoff/ und ire zugehorungen, als ich die von dem bestimbten goczhaws in kauffweys innegehabt, genuczt und genossen habe, ledicklich frey an alles gellt widerhaim gefallenn/ sein und rueblich zu ewigen zeyten beleiben, damit allen iren nucz und frumbmen zubetrachten, innhaben, stifften und entstifften, als annder des goczhawss guetter, wem,/ wann und wie sew verlust und gutczymbt an meiner hausfrawn, aller unnser eriben und nachkomen, auch manicklichs von unnsern wegen irrung, eintrag und widersprechen un-/ geverlich; da entgegen sullen sy [uns], unnser vorvordern, nachkomen und in den eeren allen gelaubigen seelen jerlich und ewicklich ain erbern goczdinst mit notdurftenn/ nach gewonhait irs goczhawss zu hail unnsern seelen haben und volbringen innehallt irs gegenbrief mir und meinen eriben darumben gegeben, doch hallt ich mir empfor,/ ob sich begab, das ich in nott khame, da got vor sey, das ich gelt haben muest oder eelich leiberiben gewun und hinder mein liesse, so gelob und versprich ich fur mich, all mein eriben unnd/ nachkomen, lebenttig oder kunftig, das von unnsern genadigen herren von Wilhering und irem goczhaws umb di vorgemelt sum gulden an all irrung, eintrag und hindernuss/ zelosen geben wellen; ob aber solchs nicht nottat oder leiberiben hinder mein nicht liesse, so sol alles vorgemelt dem goczhaws ledicklich frey gefallen und unnser kaufbrief/ vormallen von unnsern genadigen herren von Wilhering und goczhaws ausgangen und unns gegeben wider dem gegenwurtigen gemachtbrief und verschreibung/ gants ab und tod auch kain kraft nicht mer haben, was aber ich, mein hausfraw, all unnser eriben eriben und nachkomen, lebenttig oder kunftig, wider alles vorbe-/ stimbt tatten, redten oder kriegen wollten auch der losung, so darzu khain nicht stattatten, dardurch das goczhaws inschaden khame oder in andern wegen beswartten,/ damit dy hoff dem goczhaws enczogen oder solch gemacht nicht furgang solt haben und bey kraft beleiben, wie derselb schad und versawmnus oder beswarnus genant oder/ gehayssen mocht werden, darinne ungeverlich khainen ausgenomen, denselben schaden, abganng, zerung, versawmnuss und beswarnuss alles geloben sullen und wellen/ wir den vorgemelten unnsern genadigen herren von Wilhering und goczhaws gants an abgang und schaden berait auszerichten, abtun und widerzukeren; sy mug-/ ens auch haben, suechen und bekomen zu mir, meiner hausfrauen, allen unnsern eriben und nachkomen, lebenttig oder kunftig, darzu auf allem unnserm erben anligunden/ und varunden guet, klain und gros, so wir uberall inner oder ausser lanndes haben, gewinen und hinder uns lassen, darinne nindert noch nichtz ausgenomen, des mag sew/ ain yeder herr richtter oder anwallt in des gepiet solch guet ligt, sovil gewellttig machen und einantwurtten, das innhaben, nuczen und niessen sullen und mugen,/ alslang und vil unczt sy und das goczhaws gancz an abgang und schaden beleibent, das ist unnser gutter will und wortt, wir [sein] lebenttig oder tod. Des zu urkund/ gib ich fur mich, mein hausfrawn, all unnser eriben und nachkomen dem goczhaws Wilhering den offen brief, besigellt mit des edlen Anndre Luftenegkher, die zeit/ lanndrichter im Tainawtal aigen anhangunden insigl und zu merer zeugnus und sicherhait mit des edln, erbern und weisen Jorg Epelhauser, ainer des erbernn/ rats burger zw Eferding und Matheus [Weu]hover, an der zeit statrichter daselbs auch aigen anhangunden insigln, die ich all mit meinem petbrief vleissig dar-/ umben gebeten habe, in allen, iren eriben und insigeln an schaden; darunder ich fur mich, mein hausfrawn, all mein erben und nachkomen, lebenttig oder kunftig, mit mei-/ nen trewen an aides stat verpinde, war und stat zuhallten, innehallt des briefs, sunder zu mercken, ob der insigel, ains oder mer ab dem brief geprochen und ge-/ fallen wurde, oder der brief von sein selbs wegen in mangel khame, sol dannoch der brief und diz […] goczhaws getan pey krefften und an/ schaden beleiben, wie vor vernomen. Geben an eritag vor des heyligen kreucz erfindung nach kristi geburd vierczehenhundert und achtczigissten jarenn.