Ich Kathrey, des Thoman von Pern(n)dorff saligen witib, und ich Asem Perndorffer, ir sun, vegechen unverschaydenleich fur uns und fur/ all unser eriben und tuen kund mit dem offen brieff aller mänikleich die in sehent, ho/erent oder lesent, das wir nach frewndtz ratt und woll-/ bedächtlich recht und redleich verchawfft und chawffleich zu chauffen haben geben zu einem sta/eten chawff dem beschayden Hainreichen dem/ Ryenner zu Chalating, Margarethen seiner hawsfrawn und allen iren bayden erben die zway tayll zehents, den wir gehabt haben im Ober(e)n/ Velld zu Perndorff gegen der Vinster(e)n Aw gelegen in Gra/emhartsteter pfarr und in Wässenberger lantgericht, und auch die obgenanten zwaytayl/ zehent von der herschafft Wässenberg zu lehen rierent umb ein sum gelltz, dez wir von in gantz und gar von in entricht und betzalltt/ worden sein zu rechter zeit an all schaden; wir haben in auch die obgemelten zway tayll zehentt mit allen eren, rechten, nutzen und gesuechen/ als das von alter herkomen ist uber geben und eingeantwurtt mit dem gegenburtigen brieff und mit lehenherren hannt besta/ett aws unser und/ aller unser eriben nutz und gewer in irr und aller irer eriben nütz und gewer und vertzeyhen uns und all unser erben auch des benanten/ zway taill zehentz in rechter furtzicht weys trewleich und angevär also das sy und ir erben nu furbas damit allen iren frumen (und)/ nutz mugen geschaffen durch versetzen, verchauffen und geben, wem sy wellen an manikleichs von unseren wegen irrung und hindernuss/ oder selb inne haben, nutzen und niessen, so sy pest und mayst mogen; wir sullen und wellen des obgenanten chawffs ir recht geweren, vertreter und/ furstandt sein mit dem rechten fur allew rechtlichew ansprach wo, wann und wie offt in des zu recht nott beschiecht, als geberschaft solhs/ kaufs und verlehentz guets rechts ist ob der Enns. Gieng in aber an der gewerschaft icht ab, des sy zu schaden kämen, die selben schaden/ all sullen und wellen wir in gantz abtuen und wider kern und iren kawff an aller statt richtig machen getzenleich und an gevär mitt/ urchundt des briefs besigellt und bestätt mit des edlen und vesten herren Wallthasar des Schalberger zu Wassenberg und mit des erbern/ und weysen Ulreichen Asempawm, dietzeyt burgksass daselben bayder aygen anhangunden insygeln, die sy durch unser fleyssigen gebett/ willen an den brieff gehangen haben, in und iren erben an schaden und an der egemelten lechenschafft (unvergriffenleich); darunder ich mich egenantew/ Kathrey und Asem Perndorffer, ir sun unverschaydenlich fur uns und all unser erben mit unseren trewen verpinden, alles das war und statt zu hallten,/ das der brieff awsweyst, der geben und besigellt ist an unser lieben frawn abent der schyedung nach christi gepurt virtzehen hwndert jar/ und darnach in dem zway und virtzigistem jare.