Ich Michel Herrant, purger und diezeit des rats ze Klosternewmburg vergich und tun kund offennleich allen lewten mit dem brief und nym mich […] indisen sachen/ genczleich an fur meine ennynkel Mertlein und Niclein, geprueder die Hubscher, die noch nicht vogtper, ze yren beschaiden […] chomen sind, und die Ulreich Hubscher pey/ meiner tochter frawn Kathrein, dem got gnadekch gehabt hab, das ich mit wolbedachtem mut und nach rat dez richters und dez gesworen rats, den witiben und waysen empho-/ lichen sind und auch mit hanndt des erbern Jorigen dez Schadengasts, die zeit ambtman ze Klosternewmburg auf dez [hochgeporen] fursten guet herzog Albrechts herczog ze/ Osterreich etc. meins genedigen herren, an der benanten meiner zwair ennynkchlein stat zway drittail eins hauss und hofstat weingarten hinden daran und was mit recht/ darczue gehort in der weiten gassen, gelegen zu nachst Chu/onrats dez Helbmbeig (Hellnberg) haus und hofstat und das in zu rechten […] gevallen und ausgeczaigt ist gegen ir swester/ vaterhalben frawn Kristein mit andern gutern, der got gnad, die Wernharts dez Schrikcher hausfraw gewesen ist, als derselb tailbrief lautt davon man alle jar di/ent herczog Albrechten/ ze Osterreich drey und fumfczikch wienner phennig an sand jorigen tag und dritthalben und fumfczigk phennig an sand michels tag ze gruntrecht, als daz mit alter herkomen/ ist und nicht mer; die zwen egenant drittail an haus und hofstat mit aller zugehorung hab ich an stat der benanten meiner zwair ennykchlein recht und redleich mit furczicht/ verchaufft und geben umb achtzigkch phunt wienner phennig, der ich an der obgenanten meiner ennykchlein [stat gancz und] gar verricht und gewert pin ze rechten/ tagen, dem erbirdigen geystleichen herren herr Jacoben, abt dez klosters ze Wilhering und dem ganczen convent doselbs […] allen irn frumen damit zu schaffen, mit ver-/ chauffen, mit verseczen, schaffen und geben, wem sy wellent an alle irrung, al ez dem gotshaus und dem ganczen convent am aller pesten fuegunt ist. Ich pin auch/ der zwair drittail mit irer zugehorung an stat meiner ennykchlein dez vorgenanten abts und dez ganczen convents ze Wilhering rechter gwer und scherm fur alle ansprach,/ als des lants recht ist ze Osterreich; wer aber ob in daran icht abgieng, krieg oder ansprach auferstund, von wem [daz wer recht], daz sullen und wellen wir in alles ausrichten/ und widerchern und sullen sullen sy das alles haben auf mir und auf meinen vorgenanten ennykellen und auf alle dem gut, [das wir] haben, wir sein lembtig oder tod. Es ist auch/ ze wissen, das ich die vorgenanten achczigk phunt pfennig beraitt nider hab gelegt in den trewn rat ze Klosternewmburg […] maynung, das die den vorgenanten zwain/ kinden, meinen ennykchlein in einer churcz sullen wider angelegt werden nach dez richter, des rats und auch dez egenanten ambtmans rat und wissen auf ein ander erib an alles/ gever den egenanten zwain drittailn ze scherm als lang [uncz] die benanten payde chinder zu irn volligen peschaden iarn […] sich der egenanten zwair drittail an haws/ und hofstat mit aller zuegehorung furz[icht tunt] und auf gebent mit ambtmans hanndt, als dem dez lants recht ist in Osterreich und der stat gewonhait ze Klosternewmburg;/ wann das guet herkomen ist von Fridreichen seligen dem Hubscher, der egenanten chinder enn und dez ze urkund geben ist mit dem brief daruber versigilt und beste/att mit/ dez obgenanten ambtmans anhangunden insigil Jorigen des Schadegasts darczu haben wir vleizzl(ich) gepeten den erbern Leupolt den Floczer, purger doselbs ze Newmburg, das er/ der sach geczeug ist mit seinem insigil, [im an schaden]. Geben an unser lieben frawn abund zu der chundung nach kristi gepurd virczehenhundert jar darnach in dem zwain-/ [czigsten jar].