Ich Jorig der Grefenawer, dy zeit purger zu Everding, mein hawsfraw und unverschaidenleich al unser eriben gegenburtigen [und kunftig] und all unser nachkomen vergehen, bekennen und tun/ kunt offenleich mit dem brieff allen den, dy in ansehent, horent oder lesent, das wir unpedwnngenleich mit aller unser gutleich[er will,] [w]ort und maynung nach rat, willen und gunst und/ an alles widersprechen aller unser nachsten und pesten frewnt und erber weiser lewt zu der zeit und weil, da wir es an […] irrung, widerred und hindernuzz mit recht wol/ getun machten […]tleich wissendleich dy nach geschriben stukch geben und gemacht haben […] [st. Gilgen] zu Atenshaim; czwm ersten haben wir dar czu geben/ […]hoff genant der Hochhoff ze Perndorff und ain hofstat da pey gelegen in Greymhartsteter pharr […] unser rittermassigs aygen gewesen ist/ dy selben […] stukch hoff und hoffstat geben wir uber und antwurtten ein aws unser nucz und gewer dem […] mit chrafft des brieffs […]/ […] inn haben scholl mit allen eren, rechten und nuczen und mit allen […] ausgenomen und durich recht darzu geh[orent]/ [und davon] bechomen mag und darumb schol uns ain yeder pharrer der benanten chirchen ewichleichen und ymmer volbringen […] lassen alle wochen andem wenanten […]/ phincztag ain ambt von dem hochgelobten wirdigen gotzleichnam unsers lieben herren und am sambcztag alle wochen ymmer [und] [ewich]leichen auch ain ambt singen lassen von der hoch/ gelobten chunigin junkchfrawn Marie; und welher herr dy ambt singt, der sol sy albeg nach dem ewangelii umb cheren und [allen den, von] den dye ambt gestyfft sind warden, lembtigen und/ toten, ain pater noster und ain ave maria frumen und ain gemayns pet tun, in und allen irn vorvodern und nachkomen und allen gelaubigen selen; dy vorgeschriben zway ambt schullen/ alle wochen ewichleichen und ymmer ausgericht, volpracht und gesungen werden, got dem alma/echtigen und seiner lieben [muter marie] und allem hymellischen her zu lob und zu eren, zu/ hilff und zu trost, uns und unsern vorvodern und nachkomen und allen christen lewten ze pessrung zu den ewigen frewden; [awch hab ich] obgenanter Jorig gemacht und geben zu dem obge-/ nanten goczhaws zu Atenshaim ain gut, dacz dem Chintzmann gelegen in sand Merten pharr und in Wa/essenberger herschafft [und ist] auch unser rittermassigs aygen gewesen, davon man/ alle jar ja/erleichen raychen, geben und dinen schol funff schilling wienner phenig dem benanten goczhaws zu Atenshaim, ainem yesleichen pharrer; dar umb sol uns ein ysleicher pharrer des/ benanten goczhaws zu Atenshaim ain ewigen jartag pegen lassen des nachsten phincztags vor sand Jorigen tag am mitichen abent mit ainr gesungen vigilig des margens am phincztag ain/ gesungens selambt und mit czwen gesprochen messen und sol auch der mann, der auff dem guet dacz dem Chinczmann siczund ist zu dem benanten jartag funff schilling wienner phenig raichen,/ geben und dinen zu hilff zw dem benanten goczdinst und jartag und sol […] auff dy wir des [abentz und des] margens und des ain ellen sechs phenig wert/ sey und schol man dann das tuech, wann der goczdinst des jartags volbracht wiert geben und taylen under arm lewt, alz verr das […] den selbigen jartag haben wir also geornt und ge-/ macht uns und unsern vorvodern und nachkomen und allen gelawbigen seln zu hilff und zu trost und ze hayl zu dem [ewigen] leben; [awch sol sich] ain herr, der das selambt volpringt oder ain ander/ priester umb cheren und pitten umb uns und all unser vorvodern und nachkomen und umb all gelawbig sell und ain […] ave maria [frumen]; awch schol ain yesleicher pharrer des benanten/ goczhaws zu Atenshaim von der benanten gult, so wir zu dem vorgenanten gotzdinst geschafft haben, aws richten und […] den herren, [dy den] gotzdinst und jartag singent, drey grozz ye-/ dem herren ain grossen oder syben phenig und den czechlewten da selbs tzwen und dreizzgkch phenig, das sew dar […] zu dem selambt und zu den zwen gesprochen/ messen auff stekchen sechs stech cherczen, dy da pey dem gotzdinst prinnen und dem schulmayster a/echt phenig und dem […] awer das ein pharrer, vicari oder verweser/ der benanten chirichen den jartag nicht pegen mocht, wie sich das ga/eb, alz oben peru/ert ist, so sol es ungevarleich in den […]verczihen volbracht werden und ausrichten, als/ vor geschriben stet. War awer, das ein pharrer oder sein nachkomen, vicari oder verweser der benanten chirichen dy ambt ains [oder …] oder den jartag auch nicht volbrachten und pegiengen,/ so habent sich dew zechlewt des benanten goczhaws in Atenshaim und alle pharrmenig daselbs vollen gewalt der vorgenante[…]er underwinden und innhaben dem vorgenanten gocz-/ haws nuczen und nyessen, alz lang das der vorgenant goczdinst und jartag genczleich herwider ervolkt und volbracht wiert und […] ambt ains oder payderr oder der jartag nicht aus-/ gericht und volbracht und versaumbt wirt, so hat sich alz offt zu wandel vervallen hincz ainem yesleichen pharrer, vicari oder [verweser …] benanten chirichen zway phunt wachs und das/ sol dem wirdigen gotes leichnam unsers herren und der lieben unser vrawn gevallen zu irn ambten; war awer, das dy czechlewt, [pharrer, vicari] oder verweser der benanten chirichen in ichte/ darinn chr[…] […] winden und welher tail nicht da[rnach] handeln oder tun wolt, alz […] [begriffen ist], das sol und […] [pringen der dy czeit der be….. und handeln, das der benanten chirichen [nucz und …] der goczdinst gepessert wird und was sich ver-/ [vallen] oder versaumbt hyet, das das fuederleich volbracht wird und awsgericht und also ain ewigs pleyben sey alz wir es [geornet] und geschafft haben; ez sol auch ein yder pharrer oder/ sein nachkomen, vicari oder verweser des vorgenanten goczhaws dy pawrn auf den obgenanten gu/ettern chain in nicht[…] […] und der sach zu einer waren steten/ urchund des gemachtz und ordnung der benanten stukch in stater gewerschafft wers alz vreys aygens gemachtz und [landes …] dy stukch inn ligent, gib ich obgenanter Jorig/ Grefenawer den brieff der styfft und gemachtz dem egenanten gotzhaws zu Atenshaim und dem erbern herren herrn Nyclos dem Chastner, dy tzeit chiricher da selbs des benanten gotz-/ haws und allen seinen nachkomen besigelt und wolbesta/ett mit meinem anhangunden insigel und der sach zu pesser bestatigung besigelt mit der erbern Michelen des Oberhammer, dy/ zeit lantrichter und phleger zu Wassenberkch und Simons des Aschpa/enn, dy zeit gesessen [auf dem Holzz] […] den insigel, dy sy der sach zu zewgnuz durich/ [meiner vleizziger] pet willen an den brieff gehangen habent, in payden und allen irn eriben [an schaden]. [Der brief ist geben da man zalt von] kristi gepurd virczehen hundert jar darnach/ in dem funffczehenten jaren […] abent der heyligen [czweliffpoten].