Ich Rueger Loenr und fraw Katrey, sein mueter, bekennen fur uns und all unser eribn offenleich mit dem prief und tun kund allen den,/ die in sehent, hornt oder lesent, daz wir mit gutem willen, rat und gunst aller unser eriben und nagsten frewndt zu der zeit, da wir ez mit/ recht wolgetan machten, recht und redleich zekauffen haben geben unsrew czway gueter gelegen in Hechenpekcher pfarr und in der her-/ schafft ze Schawnberg und in dem gericht im Aschach Winkchl, genant daz Lechen und daz Rewt, die paidew rittermessigs vreis/ aygen sind und ist mein endleich veterleich erib gewesen, die da diennt all jar jarleich [yetz gut] czwelff schilling gelts wienner/ munzz und vier huenn zw unser frawn tag ze der dinst czeit dem erwirdigen geistleichm hern hern Jacob abpt ze Wilhering und/ dem convent daselbs und seinem gotzhaws umb ain gelt, dez uns wol genueg hat und daz wir von in gericht und gewert sein/ warden ze rechter czeit und weil an all unser scheden; also antwurten wir in die obgenanten tzway guet(er) inn mit allen eren, rechten/ und nuczen und von alter darczu gehort ze veld, waid, wismad, wasser, holcz, aber nichtz davon ausgeczogen angevar aus unser nucz und/ gwer [Anm. steht eigentl. gwir] in ir nucz und gwer, das sy damit tun und lassen mugen, mit stifften und enstifften, verkauffen, verseczen, gewen, machen, schaffen/ oder wie sew verlust als mit ander irn guetern; wir verzeichen uns auch der obgenanten tzwair guter mit aller ir zugehorung/ mit rechter vorczicht fur uns, all unser eriben und nachkomen, daz wir hinfur [ewigleich] dagegen chain ansprach noch fadrung/ nymmer mer [gewinen] noch haben schullen, weder mit recht noch anrecht, clain noch [gross] angevar; wir sein auch der obgenan-/ ten tzwair gueter und kauffs mit aller czugehorung ir rechter gwer und furstand fur all rechtleich ansprach als offt in des/ not geschicht noch dem lannds rechten ob der Enns. Gieng in aber an der gewerschafft mit recht icht ab, daz si schaden nemen/ wie der schad genant […] pey seinen trewn gespr[echen] […] slechten […]/ darumb [zugelauben], denselben schaden geloben und wellen wir in gancz und gar […] und wider chern und mugen und schullen/ auch daz [haben auf] allen unsern guet, [wo] wir das indert [haben], lassen oder [noch] gewinen, ez sey erib, aygen, lechen oder […]/ gut versucht und [unversucht] auf wasser [und auf] lannd, nichtz darinn ausgeczogen wo […] komen oder […] des mugen/ si sich wol underwinden an als […] als […] unczt sy aller ir scheden davon bekomen, [das ist] unser gutleich [willen] und wort, [waz]/ wir oder yemant von unsern wegen da wider icht chriegn oder recht wolten ez [sey mit recht] oder anrecht geistleich oder welt-/ leich, dez haben wir in aller stat [unrecht] und verlorn und sy ge[wunen] und […] in daz also war und unverkert pleib/ gib ich in den prief versiglt mit meins obgenanten Rueger dez Loenr anhangendem insigl und zu mer warn zeugnuss und der/ erbern meins liebn vettern Fridreich dez Mulbanger und Hannsen dez Schreibsan, auch paider anhangennde insigln, die sy/ durch unser vleissiger pett willen an den prief gehangen haben, in und allen iren eriben an schaden; daruntter ich mich obgenantter/ Rueger Loenr und fraw Katrey, sein mueter mit sambt unsern eriben und nachkomen [unver]schaidenleich [verpinte] mit unsern trewn/ an aydes stat, alles dez stet zehalten und zebolfuren, daz an dem prief verschriben ist, der geben [ist] nach christi gepurdt viercze-/ henhundert jar darnach in dem zehentn jar dez nagsten pfintztags nach dem heilign osterleichm tag.