Ich Symon der Se/atuech vergich fur mich und all mein erben offenleich mit dem brief und tün chund allen den, dy/e in/ sehent oder horent lesen, das ich mit wolbedachtem müt mit rat, willen und gunst meiner pessten frewnt und nagsten/ eriben zu der zeit und ichs mit recht wol getun macht, recht und redleich verchauft han mein gut im Ternpach ge-/ legen in sand Ulreichs pharr, da di zeit Hensel der Hakcher auf gesezzen ist, und mein freys ritterma/essigs aygen ist,/ des verzeich ich mich mit aller seiner zugehorung, grwnt und podem, besucht und unbesucht, ze veld und dorf, als ichs/ selb ynn gehabt und genossen hab, und antwurt das also alles aus meiner nutz und gwer dem erwirdigen geistleichen/ hern abbt Jacob und dem convent zu Wilhering und irem gotzhaws daselbs in ir nucz und gwer umb ein gelt, des/ si mich zu rechter zeit an all mein scheden gericht genczleich und beczalt habent. Und ich antwurt auch in den brief/ mit sambt dem egenanten gut, den ich han dar uber und der mir lawt von Thaman dem Apreinsperiger und sein eriben, von/ dem ichs chauft hab chaufleich nach sag des obgenanten briefs, das si den mit u[…]er kraft und (punten) artikeln/ mit meinem guten willen inn haben schullen in aller der mass, als er mir und mein erben lawt und sagt also beschai-/ denleich das ich, noch all mein eriben nach dem obgenanten güt furbas nymmer chain ansprach schullen haben/ weder mit recht noch an recht. Wir vergechen auch, das wir des obgenanten gu/etz und des chaufs dar auf ir recht/ gwer schullen sein, wo in des not und durft geschiecht nach des lantz recht ob der Enns. Gieng aber in dar an/ icht ab, das schullen si haben dacz uns und dacz unsern trewn und darczu auf aller unser hab, wo wir dew habenn,/ versucht und unversucht, daruber geben wir in auch den brief zu einem warn sichtigem urchund und zu einer ewigen/ gedechtnuzz besigelten mit meinem obgenanten Symon des Sa/etu/ech anhangundem insigel und zu ainer pessern zeugnuzz/ hab ich fleyzz gepeten den erbern Alban den Rudlinger, dy zeit richter ym Tunawtall der auch sein insigel daran/ gehangen hat, ym und sein erben an scheden. Der prief ist geben nach christ gepurd virzehen hundert iar darnach/ in dem funften iar des sambeztag vor der heyligen drey chunig tag.