Ich Simon Se/atuch vergich fur mich und all mein eriben mit dem gegenwurtigen brief allen lewten,/ dy in sehent, horent oder lesent, das wir zu chauffen haben geben unverschaidenleich dem erwirdi-/ gen geistleichen herren abbt Jacoben und dem gotzhaus zu Wilhering allen den zehent, so ich vorgenant Symon Se/atuch zu lechen gehabt han von dem edlen herren hern Eberharten von Chap-/ peln, dem ich in auch allen auf hab geben und auch fleyzz gepeten, das er den selben zehent mit/ all seiner zu gehorung hat geaygent dem vorgenanten gotzhaus zu Wilhering, der gelegen ist/ ym Ternpach in Sand Vlreichs phfarr under dem Churnwerch auf den gutern her noch/ genant: von erst aufs Hekchleinsperg ganczer zehent, aufs phlugleins gut ganczer zehnt, aufs/ Rosenchrancz lehen ganczer zehent, aufs Pewntner hofstat ganczer zehent, aufs Hakcher hofstat,/ aufs Aygner hofstat und aufs Parczner gut ganczer zehent, aufs Gatermayr gut halber/ zehent, zu Nider Chaeczing halben zehent, aufs Chellermair hof drittayl zehent und auf den/ obgenanten gu/etern allen hauszehent mit allen rechten, ern und nuczen und durcih recht darzu gehort,/ versucht und unversucht, nichcz aus genomen aus unser nucz und gwer in ir nucz und gwer/ umb ayn gelt, des ich gancz und gar pin aus gericht und gewert an all scheden. Wir sein/ auch des vorgenanten chaufs und zehentz mit aller seiner zugehorung ir recht gwern und fur-/ stand als chaufs recht ist in dem lannt ze Osterreich ob der Enns. Gieng aber in an dem/ obgenanten chauf icht ab mit recht, das se sein zu schaden chomen in welcherlay sach das wer, das/ des gotzhaus ainer gesprechen mag pey sein trewn an recht an ayd und ungeswarn, das/ schullen sew haben auf uns und unverschaidenleich auf aller unserer hab, wo wir die haben/ oder lazzen, der nichts ausgenomen davon si dann haupguts und scheden chomen sullen, so si/ nagst mugen, ez sey auf wazzer, auf landt, versucht und unversucht und das ist unser gutleich will,/ wir sein lembtig oder tod; und geben in auch den brief zu einem warn sichtigen urchund und zu/ einer ewigen gedechtnuzz besig[i]lten mit meinem obgenanten Symon des Se/atuch anhangundem insigl/ und darnach haben wir fleyzz gepeten die erben Alban den Rudlinger, dy zeit richter ym Tunawtal,/||
Wolfgang den Chressling, dy zeit phleger zu Churnberch, und Sygmund Schifer, in allen und irn/ eriben an schaden, das si ir insigel an den brief habent gehangen durich ayner pezzern zeugnuzz/ under dew ich obgenant Symon Setuch und all mein eriben verpinten mit unsern trewn an aydstat,/ alles das stet ze haben, das oben an dem brief verschriben ist, und geben nach christi gepurd virzehen-/ hundert iar darnach in dem funften iar des mitichen in der heyligen antlazz wochenn.