Ich Hainreich der Nydermair ze Trawn, Elspet mein hawsfraw, Hennsel unser sun [und all unser] erben, wir verichen/ und tuen chund mit dem gegenwertigen brief allen leuten, dy in sehent, horent oder [lesent], das wir schuldig sein/ und gelten schullen mit einander unverschaidenleich den erwirdigen geistleichen herren, [dem abbte] und dem convent zu/ Wilhering umb [waid] und umb wein, umb rozz und auch das er fur uns hat geben […] syben phunt/ phennig, das alles zu sam geraitt macht acht und virczigk phunt wienner phennig. [Darumb wir in] unser rechten, ez sey/ erib oder chaufrecht, so wir haben auf dem Niderhoff zu Trawn, den wir haben [von unserem gnedigen] herren und dem/ gotzhaws zu Gersten ze lehen, versaczt und gemacht haben den obgenanten herren und dem [convent von] Wilhering fur/ das obgemelt sum geltcz in solcher beschaiden und ernst, das der vorgemelt [herr] […] schol werden/ ausgericht und gewert an aller gelten angeverleich, ez sein juden oder christen, ez […] oder newe, der/ schol er aller unengolten beleiben und schol auch chain chraft […] wert ver-/ trewleich und ge/anczleich ausgericht an all scheden, ausgenomen des gruntherren gelt oder […]pilleich vor allen/ gelten schol werden (zehindan gericht?). Darczu versprechen wir auch mit unserm trewn […] den egemelten,/ unsern hof nicht verch(mern) noch verseczen, noch verchauffen schullen noch mugen haym[…] ez werd ee/ vo(…) genczleich ausgericht der erwirdig herr und das convent zu Wilhering aller seiner […] schaden und haupgut und obicht elter brief versaczung oder verphantung auf den obgenanten unseren rechten […] oder her fur chomen/ ez wer hincz juden oder hincz christen, das schol alles tod und ob sein wider den brief […] Und des/ sind zewg her Chunrat pharrer zu Puching, Ulreich Hubner ze Lach, Stephl Smid zü [Trawn, Henzel Schonpachler,] Chonrat/ amptman auf dem Newnhof, Hainreich Smid ze Wilhering. Das der handl und das […] stet/ und unverchert beleib, daruber gebn wir in den brief fur uns und all unser erben zu [einer waren, steten] urchund/ versigelten mit der erbern Hannsen Phansstorffer, dy zeyt phleger zu Weyzzenberch, [Ulreich] […] Newnhofen,/ dy wir darumb fleyzz habn gepeten, das sy ir insigel an den brief habent ge[hangen] […] an scheden; under/ der insigl ich Hainreich Nydermair ze Trawn, Elspet mein hausfraw, Hennsel [unser sun] […] uns verpinten/ mit unsern trewn an ayd stat, alles das stet ze haben, was oben an dem brief [verschriben ist]. Der brief ist geben nach christ/ gepurd virczehen hundert jar und in dem dritten jar an sang jeorigen tag [des heiligen] […].