Ich Lawrenz herrn Chunrats des Walich sun dem Got genad, vnd ich Agnes vnd Ann swestern, sein tochter, ich Friedreich Reicher Wernhard brueder, herrn Vlrichs des Walich sun, wir veriehen offenlich - das wir - verchaufft haben vnsern halben hof ze Merking, is gelegen nahen bei sand Po^elten, der vnser freies vnd ledigs aygen gewesen ist, - - den erwern geistlichen herrn abbt Wernharten vnd der sampnunge vnd dem gotshaws ze Wilhering vmb dreissik pfunt wienner pfenning, der wir ganz vnd gar gewert - sein. - - Darvber - geben wir den herren vnd dem gotshawse ze Wilhering disen brief versigelten mit vnsers vorgenants veters vnd brueders Fridreichs des Walichs insigel vnd mit vnsers||
lieben veters hern Pilgreims des Walichs insigel. - - Der brief ist gegeben - drewtzehen hundert jar darnach in dem sechs vnd funftzkisten jar an sand Georgentag.

Source Fulltext: OÖUB 7 (Wien 1876) S. 447, Nr. 442