Ich Albrecht von Liechtenekk vergich vnd tuen chunt allen den, die disen prief lesent oder horent lesen, die nv lebent vnd hernach chunftich werdent, daz ich zder zeit, da ich iz wol getuen mocht, vnd auch mit meiner vreund willen vnd gunst geben han vnser vrawen Chloster zden Schotten ze Wienn die aigenschaft vber funf phunt geltes, die ich han ze Gerhartstorf, also, daz ich, oder swer dieselben funf phunt geltes hat vnd besitzet, suln zv ainem vrchund derselben aigenschaft dienen dem vorgnanten Chloster funfczehen wienner phenning alle Iar an sand Georgen tag. Vnd dorvber zv einer ewigen vestnung gib ich dem egnanten Chloster disen prief versigelten mit meinem Insigel. Der geben ist nach Christes geburt dreutzehen hundert iar in dem vierzigstem iar darnach, an sand Michels tag.

Source Fulltext: HAUSWIRTH, Schotten (=FRA II/18, 1859) S. 225