"In nomine sancte et indiuidue trinitatis, patris et filij et spiritus sancti. Amen. Nouerint vniuersi et singuli, presentes et futuri, hoc presens publicum transsumpti instrumentum visuri, lecturi pariter et audituri. Quod nos Cristofferus(1) Dei gratia decanus et canonicus Patauiensis ac beate Marie virginis Soliensis(2) ecclesiarum prepositus. Ad instanciam et peticionem honorabilis ac prouidi viri magistri Judoci(3) cancellarij consistorij curie Patauiensis, ac reuerendi patris domini, domini Johannis(4), diuina permissione prepositi ac decani, tociusque conuentus monasterij Plagensis, ordinis Premonstratensis, in hac parte legitimi procuratoris. De cuiusquidem procuracionis mandato coram nobis legitime extitit facta fides omnes et singulos sua generaliter vel diuisim interesse putantes, et quos infrascriptum tangit negocium seu tangere poterit quomodolibet in futurum, eorumque procuratores, si qui sint in ciuitate Patauiensi aut extra, eandem pro eisdem ad videndum et audiendum nonnullas litteras, jura seu priuilegia dicti monasterij in se continentes, dudum eidem monasterio graciose concessas et datas infra scripti tenore produci et per nos recipi. Et postquam producte recepte fuerint, ad videndum et audiendum, nonnullos testes fidedignos et ydoneos de et super recognicione sigillorum ipsis litteris appensorum ||
produci, recipi, jurari et ad jurandum admitti. Et deinde, postquam recogniti fuerint, transsumi, jnterpretari, exemplari, publicari et in publicam formam redigi, mandari, auctoritatemque decretum ordinarium per nos jnterponi vel dicendum et allegandum causam et causas, si quam vel quas habeant rationabilem vel rationabiles, cur id fieri ||
minime debeant per nostras certi tenoris litteras valuis seu portis ecclesie cathedralis Patauiensis instar edictorum publicorum affigendas et inibi debite exequendas citari et euocari fecimus atque mandauimus ad diem et horam infra scripta. Quibusquidem aduenientibus comparuit in termino judicij coram nobis magister Judocus Jungmair(3), procurator supradictus nomine procuratorio, quo supra, et dictas litteras citatoriales per discretum Gregorium Kastenhofer(5), nuncium nostrum juratum, valuis seu portis dicte ecclesie publice affixas ac inibi, vt moris est, sub diuinorum solemnijs debite executas et per eundem reportatas reproduxit, citatorumque in eisdem contentorum non comparencium contumaciam accusauit, ipsosque contumaces reputari pecijt et in contumaciam huiusmodi nonnullas litteras gloriosissimi seu jnuictissimi principis et domini, domini Friderici, diuina fauente clemencia Romanorum jmperatoris semper augusti, Hungarie regi etc. necnon olym jnuictissimorum et illustrissimorum principum et dominorum, Friderici, regis Romanorum, Alberti, Ottonis, ducum Austrie et Stirie, Rudolffi quarti, archiducis Austrie, Stirie et Carinthie, comitis in Portenaw, Ladislai, Dei gracia Hungarie, Bohemie regis etc. ducis Austrie et marchionis Morauie etc. necnon Alberti, archiducis Austrie et Stirie ac comitis in Portenaw, eorundem sigillis de cera communi in forma rotunda rubea cera cum solitis armis, ymaginibus et pressulis pergameneis super jmpressis et in cordulis de filis sericeis rubei crocei flaueique coloris, vt prima facie apparebant sigillatas infra scripti tenoris in medium exhibuit, ac nonnullos testes fidedignos et ydoneos de et super recognitione sigillorum produxit, quos admitti, eorumque solita juramenta necnon super recognitione sigillorum huiusmodi examinari et jnterrogari. Et postquam recognita fuerint, prefatas litteras transsumi, interpetari et exemplari, ac in publicam formam redigi, mandari, auctoritatemque et et [!] decretum ordinarium per nos jnterponi debita cum jnstancia pecijt et postulauit. Nos tunc Cristofferus supra nominatus dictos citatos non comparentes, neque huiusmodi diei termino satisfacere curantes licet sufficienter et vsque ad horam debitam expectatos reputauimus, prout merito erant, exigente iusticia contumaces, et in eorum contumaciam supradictos testes de et super recognicione sigillorum in forma juris recepimus et admisimus. Quibus quidem testibus huiusmodi litteris per nos ostensis et per eos et eorum quemlibet visis successiue et inspectis, eisque per nos diligenter examinatos et interrogatos, duxerunt medijs eorum juramentis per eos et eorum quemlibet ad mandatum nostrum et in nostris manibus tactis scripturis sacro sanctis prestitis et quilibet eorum dixit se nouisse scriptorem, qui scripserit scripturam, et demum ad reliqua vero duxerunt, prout descripcio suprascriptorum sigillorum in cera rubea prout premissum est, apperte declarabat credere sigillum eius fore et vniuscuiusque prout in earum et cuiuslibet litterarum facie videbantur apponere. Quibus sic peractis, nos Cristofferus decanus, dictas litteras ad nos recepimus, vidimus, legimus, tenuimus, manibus nostris contrectauimus et diligenter inspeximus, jpsasque sanas, integras, non viciatas, nec concellatas, neque in aliqua sui parte suspectas, sed omni prorsus vicio et suspicione carentes reperimus ac ipsas pro sufficienter recognitis habuimus et haberi volumus. Jpsasque ad dicti magistri Judoci vlteriorem instanciam per discretum virum Johannem Murawer(6), notarium et scribam juratum nostrum infra scriptum transsumi, interpretari, exemplari, publicari et in hanc publicam formam redigi mandauimus et fecimus, ac diligenti studio examinauimus, volentes et auctoritate nostra ordinaria, qua fungimur in hac parte, decernentes, quod huiusmodi transsumpto publico in judicio et extra ac vbicumque locorum de cetero detur et adhibeatur tanta fides, quanta ipsis originalibus litteris, inferius de verbo ad verbum insertis et registratis et cum presenti publico transsumpto jnstrumento collacionatis, auscultatis, data fuit et adhibita, ac daretur seu adhiberetur, si in judicio producerentur, auctoritatem nostram ordinariam in hoc interponentes pariter et decretum. Tenor vero litterarum, de quibus supra fit mencio, sequuntur et sunt tales:||
||
,Fridericus [...] anno secundo.‘ [Urk 92: 1.4.1316]||
||
,Fridericus [...] anno secundo.‘ [Urk 93: 1.4.1316]||
||
,Wir, Ott [...] dreytzigisten jare.‘ [Urk 128: 17.2.1331]||
||
,Wir, Albrecht [...] so man singet jnuocauit.‘ [Urk 127: 17.2.1331]||
||
,Wir, Rudolf [...] in dem funften jare.‘ [Urk 168: 28.7.1362]||
||
,Wir, Rudolf [...] in dem sibenden jare.‘ [Urk 173: 11.11.1364]||
||
,Wir, Rudolf [...] in dem funften jare.‘ [Urk 169: 28.7.1362]||
||
,Wir, Lasslaw [...] im ersten jaren.‘ [Urk 345: 22.1.1454]||
||
,Wir, Lasslaw [...] im andern jaren.‘ [Urk 349: 13.5.1455]||
||
,Wir, Lasslaw [...] im anndern jaren.‘ [Urk 350: 14.5.1455]||
||
,Wir, Albrecht [...] newnundfunfzigisten jaren.‘ [Urk 371: 14.5.1459]||
||
,Wir, Fridreich [...] im ersten jaren.‘ [Urk 376: 9.10.1459]||
||
,Wir, Fridreich [...] im sybenten jaren.‘ [Urk 405: 9.10.1465]||
||
,Wir, Friderich [...] achtunddreitzigisten jaren.‘ [Urk 505: 1.2.1490!!!]||
||
Jn quorum omnium et singulorum fidem et testimonium presentes nostras litteras siue presens publicum transsumpti instrumentum decreti nostri, jnterposicionem in se continentem siue continens, exinde fieri et per notarium publicum, scribamque ||
nostrum juratum infra scriptum subscribi et publicari, sigillique nostri jussimus et fecimus appensione conmuniri. Datum et actum Patauie, in curia nostre solite residencie, nobis inibi hora causarum consueta ad jura reddendum et causas audiendum pro tribunali sedente, sub anno a natiuitate eiusdem millesimo quadringentesimo nonagesimo, die vero lune octaua mensis januarij(7), pontificatus sanctissimi in Christo patris et domini nostri, domini Innocentij(8), diuina prouidencia pape octaui, anno eius sexto, presentibus ibidem discretis viris Gregorio Kastenhofer nuncio nostro jurato, et Paulo Resch(9), clerico Patauiensis diocesis, testibus ad premissa vocatis, rogatis et specialiter requisitis."||
||
[NOTARIATSSIGNET] "Et ego Johannes Murawer clericus Saltzburgensis diocesis publicus apostolica auctoritate notarius ac decanatus ecclesie Patauiensis scriba juratus. Quia supradicte citacioni, execucioni, reproduccioni, littere seu priuilegiorum exhibicioni, testium recepcioni, iuramentorum preracioni, sigillorum recognicioni, earundem litterarum visioni, lectioni, examinacioni manuum contrectacioni, auscultacioni, collacionacioni, transsumpcioni ac decreto interposicioni, ~ omnibusque alijs et singulis premissis, dum coram prefato reuerendo patre, domino Cristoffero Schachner decano et per eundem, sicut premittitur, fierent et agerentur, vnacum prenominatis testibus presens interfui ac feci et peregi. Jdeo de ipsius reuerendi patris, domini Cristofferi mandato speciali, hoc presens publicum transsumpti jnstrumentum manu alterius, me alijs legittime prepedito negocijs, fideliter scriptum, exinde confeci, subscripsi, publicaui, et in hanc publicam ||
transsumpti formam redegi, signoque et nomine meis solitis et consuetis vnacum prenominati domini decani sigilli appensione signaui, jn fidem et testimonium omnium et singulorum premissorum rogatus et requisitus."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 504 (S 356), S. 562-564