"Thomas(1) permissione diuina abbas monasterij Lambacensis, ordinis sancti Benedicti, Patauiensis diocesis. Executor vnicus ad infrascripta a sanctissimo jn Christo patre et domino nostro, domino Paulo(2), diuina prouidencia papa secundo, atque eius sancta sede apostolica specialiter deputatus. Vniuersis et singulis dominis abbatibus, prioribus, prepositis, decanis tam cathedralium quam collegiatarum, canonicis, ecclesiarum parrochialium rectoribus, plebanis, vicarijs, socijs, cappellanis, altaristis, presbyteris curatis et non curatis, clericis ac notarijs et tabellionibus publicis quibuscumque per ciuitatem et diocesim Patauiensem ac alias vbilibet constitutis, ad quos presentes nostre littere peruenerint, aut qui per easdem fuerint legittime requisiti, aut alter eorum fuerit requisitus, salutem et sinceram in Domino caritatem et nostris huiusmodi firmiter obedire mandatis, litteras prefati domini nostri sanctissimi domini Pauli, summj pontificis, eius vera bulla plumbea in cordula canapis more Romane curie bullatas, sanas siquidem et integras, saluas et illesas, ac omni prorsus vicio et suspicione carentas, nobis pro parte venerabilis jn Christo patris et domini Andree(3) prepositi, tociusque conuentus monasterij beate Marie virginis in Slaga ordinis Premonstratensis prefate Patauiensis diocesis presentatas, nos cum ea qua decuit reuerencia huiusmodi sub tenore noueritis recepisse:||
||
,Paulus episcopus [...] anno secundo.‘ [Urk 410: 14.4.1466]||
||
Post quarum quidem litterarum apostolicarum presentacionem et recepcionem nobis et per nos sic ut premittitur facti fuimus pro parte dictorum, domini Andree, prepositi et conuentus predicti monasterij jn Plaga, debita cum instancia requisiti, quatenus ad ||
earundem litterarum apostolicarum execucionem juxta traditam et concessam a sede apostolica nobis formam procedere et eisdem litteras nostras citatorias tam contra omnes et singulos, quorum interest, intererit, ac qui sua communiter vel diuisim quomodolibet ad jnfrascripta putauerint interesse, quam eciam quoscumque testes in infrascripto negocio nobis commisso per eos pro ipsorum jntencione probanda producendos dare et concedere dignaremur. Nos itaque Thomas abbas, commissarius et executor attendentes requisicionem huiusmodi fore iustam et consonam racioni, volentesque mandatum apostolicum nobis jn ea parte directum, reuerenter exequi, vt tenemur, vobis dominis supradictis et cuilibet vestrum in solutis [?] auctoritate predicta conmittimus et jn virtute sancte obediencie sub excommunicacionis pena, quam trium dierum canonica monicione premissa ferimus in hijs scriptis. Si id, quod mandamus, contumaciter neglexeritur adimplere, districte precipiendo mandamus, quatenus postquam pro parte predictorum domini prepositi et conuentus vigore presencium fueritis requisiti seu alter vestrum fuerit requisitus, omnes et singulos, quorum interest, intererit, ac qui sua communiter vel diuisim quomodolibet putauerint interesse, et quos infrascriptum tangit negocium seu tangere poterit quomodolibet jn futurum, in ambonibus et cancellis seu in portis et valuis ecclesiarum et cappellarum vestrarum, dum ibidem populi multitudo ad diuina audienda conuenerit, auctoritate nostra ymo uerius apostolica, ad nostram peremptoriam citetur presenciam, quos et nos omnes et singulos, tam coniunctim quam diuisim, tenore presencium sic citamus, quatenus feria secunda proxima post nunc instans festum sancti Jacobi apostoli. Quemquidem terminum ipsis et eorum cuilibet pro omni dilacione et peremptorio termino ac monicione canonica assignamus, coram nobis jn monasterio nostro Lambacensi hora prima post meridiem, qua nos pro tribunali sedere contigerit, per se aut suos responsales legittime compareant, et quiuis eorum compareat, ad videndam et audiendam jncorporacionem, annexionem et perpetuam vnionem ecclesie parrochialis sancti Jacobj jn Rorbach(4) predicte diocesis, preposito et conuentui monasterij in Plaga prefati, dudum altera et altera vice auctoritate apostolica factas, de nouo dicta auctoritate confirmari et approbari, ad producendum, recipiendum et jurandum, producique recipi et jurari videndum pro dictorum dominorum prepositi et conuentus intencione probanda, nonnullos testes, litteras et quecumque munimenta priuilegia et jnstrumenta causam ipsam concernentes et concernendum ad procedendum et procedi, videndum et audiendum in negocio huiusmodi iuxta traditam et concessam nobis a dicta sede apostolica formam, aut ad dicendum et opponendum, eciam allegandum verbo uel in scripto, tam contra litteras apostolicas preinsertas et commissionem nobis factam, quam etiam contra testes, litteras priuilegia et jnstrumenta coram nobis productos et producendos ac etiam producenda, causam seu causas saltem racionabiles, si quas habent, quarum ad actus huiusmodi procedere minime debeamus alleganda, alioquin ad actus huiusmodi procedemus et procedere curabimus, contumacia seu absencia quorumcumque aut cuiuscumque jn aliquo non obstante. Jnsuper predicta auctoritate et pena districte precipiendo mandamus, quatenus omnes et singulos testes vobis aut alteri vestrum pro parte predictorum dominorum prepositi et conuentus jn specie nominandos, predicta auctoritate apostolica ad nostram peremptorie citetur presenciam, quos et nos tenore presencium omnes et singulos penis sub predictis sic citamus, ut die, hora et loco prescriptis, quem eciam tenuimus ipsis et cuilibet ipsorum pro omni dilacione et termino peremptorio ac monicione canonica prefigimus et assignamus, coram nobis personaliter compareant, et quilibet eorum compareat ad perhibendum jn ipso nobis commisso negocio testimonium veritati. Alioquin eosdem testes et eorum quemlibet sic citatos et citatum, si mandatis nostris huiusmodi ymo uerius apostolicis obedire recusauerint seu contradixerint, siue aliquis ipsorum parere et obedire contradixerit, extunc prout exnunc et exnunc prout extunc, exconmunicamus jn Dei nomine in hijs scriptis. Ad cuius sentencie excommunicacionis denunctiacionem tandem procedemus et procedere curabimus, prout iustum fuerit et ordo dictauerit racionis. Absolucionem vero omnium et singulorum, qui huiusmodi sentencias et censuras inciderint, nobis [...](5) nostram tantummodo reseruamus. Jn cuius rei testimonium presentes litteras fieri et nostro sigillo fecimus sub appressione roborari. Datum et actum jn monasterio nostro Lambacensi, die decima septima mensis julij, anno ||
Domini millesimo quadringentesimo sexagesimo sexto."||
||
Siegler und Siegel (auf dem Papier aufgedrückt): ||
||
Thomas Messerer, Abt von Lambach. ||
||
[Rechts neben dem Siegel: Nachschrift, Passau, am 22. Juli 1466: ||
||
Erhard Pruckner führt als Kapitelvikar von Passau und als kaiserlicher Notar die Zitation in Passau durch]:||
||
"Reuerendissime pater. Ego Erhardus Prugkner(6), vicarius chori ecclesie Patauiensis, plebanus jn Grêfendorf, sacraque jmperiali auctoritate notarius publicus, ad requisicionem venerabilis patris et domini, domini Andree prepositi et tocius conuentus monasterij beate Marie virginis jn Slaga, ordinis Premonstratensis, presentes vestre per litteras citatorias jn die sancte Marie Magdalene, que erat vicesima secunda mensis julij, de mane circa inicium mature misse, ea die in ecclesia Patauiensi decantata, jn presencia testium subscriptorum, valuis eiusdem ecclesie Patauiensis versus curiam seu plateam dominorum, Pfaffenhof(7) vulgariter nuncupatam, affixi, animo et intencione omnes et singulos in premissis sua interesse putaui citandi et vocandi, easdemque litteras sic affixas in predictis valuis vsque ad finem prefate misse reliqui. Cum sub dicta matura missa et in predictis valuis, affixionem et publicacionem quarumcumque litterarum semper fieri consueuerunt. Acta sunt hec anno Domini etc. lxvj, mensis, die et hora, quibus supra, presentibus ibidem honorabilibus viris, domino Erasmo Haselpager(8) subcustode, Stephano Zehenttner(9) oblaiario jn ecclesia Patauiensi presbyteris, et Johanne Zimmer(10) notario publico, ac pluribus alijs videntibus, legentibus et intelligentibus. Jn huius rei testimonium me hic propria manu subscripsi et signetum meum impressi."||
||
Siegler und Siegel: ||
||
Erhard Pruckner, kaiserl. Notar. ||
||
[Links neben dem Siegel: Nachschrift, Rohrbach, am 24. und 25. Juli 1466: ||
||
Johannes Zobel führt als Pfarrer von St. Peter am Wimberg und als kaiserlicher Notar die Zitation in Rohrbach durch]:||
||
"Ad vestre paternitatis mandatum ego, Johannes Zobel(11), ecclesie parrochialis beatorum apostolorum Petri et Pauli jn Windwerg Patauiensis diocesis rector, jn Ratispona superior monasterij monialium submissarius, sacraque jmperiali auctoritate notarius publicus, ad requisitam venerabilis jn Christo patris et domini, domini Andree prepositi, tociusque conuentus prelibatj cenobij beate Marie virginis in Schlaga anno quo supra ad execucionem, vt tenore me perhibui. Et primo ipso die jouis, que fuit vicesima quarta mensis julij, jn proprijs personis requirendo citaui honorabiles dominos et discretos viros Casparum Stettner(12) jn ecclesia parrochiali jn Rorbach, Georgium Gaispek(13) in ecclesia predicta sanctorum Petri et Pauli vicarios, Johannem Anhaber(14) in Newnkirchen eiusdem diocesis capellanum, Andream Stainasperger(15) jn Plaga et Wolffangum Weinman(16) jn Vllrechsperg, laycos, ad comparendum et faciendum ea jn eisdem venerabilis patris litteris citatorialibus contentis. Altera vero die jnmediate sequente, die veneris jn patrocinio seu festo sancti Jacobi apostoli jn iam dicte ecclesie parrochialis Rorbach maioribus valuis et jn subscriptorum testium presencia easdem venerabilis patris litteras citatoriales et presentes affixi, et sub maiori populi confluxu et multitudine, denuoque summa, officio, hora, loco, tempore, protestacionibus et solempniter solitis quemadmodum dominus notarius Erhardus Prukner ex aduerso jnsertas in Patauiensi maiorj ecclesia fecerit modum et intencionem, omnes et singulos in ipsa publici causa jnteresse putantes citando ac easdem litteras jn concellis proclamare et altercare feci, prout oportunum me videbatur et juris ordo requirit. Presentibus ibidem honorabilibus et nobili [!] viris et dominis Steffano Creuzer(17), Leonhardo Schrueker(18) in jam dicta ecclesia Rorbach diuinorum cooperatoribus, Johanne Herleinsperger(19) ac alijs videntibus et legentibus testibus ad premissa vocatis et requisitis. Jn huius rei euidenciam testimonio execucionem proprio calamo vnacum signeto meo solito jmpresso scripsi, prout et exarauj."||
||
Siegler und Siegel: Johannes Zobel.

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 416 (S 299), S. 456-459