"Johannes(1) permissione diuina abbas Augie minoris(2), Premonstratensis ordinis, Constanciensis diocesis, et frater Symon(3), humilis prior ecclesie Premonstratensis(4), visitatores et commissarij per reuerendissimum in Christo patrem et dominum, dominum Johannem(5), Premonstratensem abbatem, et eiusdem ordinis capituli generalis(6) in circarijs et partibus Sueuie et Bauarie in potestatis plenitudine hoc anno specialiter deputatj et commissj venerabili nobis in Christo fratri preposito in Slaga(7), dicte Premonstratensis ordinis, Patauiensis diocesis, salutem in Domino sempiternam. Honorabilis frater, ex iniuncto nobis officio vestrum monasterium sicut et reliqua huius circarie Bauarie monasteria ordinis nostri personaliter visitare disposueramus, sed propter viarum discrimina et hominum prauore insultus, non intendamus hac vice ad vnum monasterium accedere nisi per vos aut conuentuales vestras simus specialiter requisitj et vocatj. Quare vestram fraternitatem requirimus et nichilominus sub penis in statutis nostris contentis precepimus vobis et mandamus, quatenus declaracionem vtriusque status vestrj dictj monasterij in scriptis, prout decet redigendi ad hanc ecclesiam de Osterhouo(8) nobis afferare, vel per vnum discreciorem de canonicis vestris vna cum ordinis et ordinarijs tallijs(9) siue contribucionibus tam de presentj quam de retroactis annis communitatj ordinis debitis transmittere curetis infra instans festum corporis Christi(10). Postulantes insuper, vt de sumptibus et plenis expensis in hoc nostro cursu necessarijs, nos releuare et secundum vestri monasterij facultates contribuere curetis, prout nostra dicti ordinis dictarunt statuta. Et nichilominus prescribimur, nuncio cursorj nostro de suis pena et laboribus satisfacere non omittatis. Alia non occurrvntur. Valete in Domino feliciter. Scriptum et datum in memorato monasterio de Osterhouen, anno etc. LVI, die XXI. mensis maij."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 354, S. 382-383