Ich Symon von Hof vnd mein Hawsfraw vnd all vnser eriben, Wi^er veriehen offenleich an disem brief vnd tuen chund allen die disen brief lesent oder horn/et lesen di nu sint vnd her nach chunftig werdent, daz wir alle iar ierleich dienen schullen dem Siechmayster dez erbern Gotzhaws dacz sand Florian von dem guet daz da haist dacz Hof vnd gelegen ist in Ruezstorffer pharr achtzick newer pfenning wienner mu^enzz an vnser frawn tag zue der dienst czeid. Wer aber, daz wir den dienst versazzen, vncz auf den nägsten sand Michelstag dar nach, so schullen wi^er dem egenanten Siechmaister vervallen sein Sechczik phenning ze wandel, wer aber daz wi^er im dienst vnd wandel verczugen vncz auf die nagsten dienst czeit, so schullen wi^er gevallen sein von allem dem recht, daz wir an dem vorgeschrieben guet haben. Wi^er schullen auch furbaz chain ansprach dar zue gewinnen. Wi^er schullen auch mit aygem Ruckch auf dem guet Siczen, die weil wi^er ez inne haben. wi^er schullen auch dulden von dem guet alle die recht. gewonhait vnd vodrung die ander dez vorgenanten Goczhaws Holden duldent vnd welcher der wi^er ains vber fu^eren, So hat vns der vor genant Siechmaister dar vmb ze pezzern, also wi^er stat an im vinden. der vorgenanten taiding vnd gelub verpint wi^er vns mit vnsern trew^en sta^et ze haben vnder dez erbern mans Jnsigel Stephans dez Wu^ermtaler, vnd vnder dez erbern mans Jnsigel Bernharcz dez Eczlinger, wann wi^er aygens Jnsigels nicht haben. Der brief ist geben nach Christi gepurt vber drewczehen hundert Jare dar nach in dem acht vnd Sibenczkisten Jare an dem Heyligen Ebenweich tag.

Source Fulltext: OÖUB 9 (Wien 1906) S. 369-370