Bernhardus, Episcopus Lybanensis et Domini Wigilei, Episcopi Pataviensis in Pontificalibus Cooperator (Weihbischof von Passau) anniversarium diem dedicationis Capellae et altarium in Puechkirchen, qui in die Dominica proxima post festum S. Margarethae propter solemnitates vicinarum ecclesiarum minus solemniter celebrari potest, in festum S. Mariae Magdalenae transfert, et omnibus Christifidelibus vere poenitentibus et confessis, qui in Nativitatis, Circumcisionis, Epiphaniae, Resurrectionis, Ascensionis Domini, Pentecostes, Trinitatis, Corporis Christi ac singulis beatae Mariae virginis, Joannis Baptistae, Petri et Pauli, Omnium Sanctorum et Patrociniorum ac dedicationis festivitatibus dictam Capellam et altaria devote visitaverint et pro conservatione eiusdem necnon calicum, librorum et aliorum ornamentorum manus suas porrexerint adiutrices, de quolibet festorum praedictorum 40 dies criminalium et 80 venialium peccatorum relaxat.