useridguestuseridguestuseridguestERRORuseridguestuseridguestuseridguestuseridguestuseridguest
Charter: Urkunden (992-1600) 1490 V 23
Signature: 1490 V 23
Zoom image:
Add bookmark
Edit charter (old editor)
23. Mai 1490
Raymundus Peyraudi, archidiaconus Alnisiensis in ecclesia Xanctonensis, verleiht dem Abt und Konvent besondere Ablässe.
Source Regest: OÖLA, Kopienarchiv, HS 68, Lambacher Urkundenregesten 1459-1499, S. 651 Nr. 3254
 

orig.
Current repository
Stiftsarchiv Lambach (www.stift-lambach.at)

Hängesiegel gebrochen Material: Pergament


  • notes extra sigillum
    • Frater Wolfgangus ordinis minorum manu propria confirmat etc. commissarius apostolicus
Graphics: 






    x

    Universis et singulis presentes literas inspecturis Raymundus Peyraudi, archidiaconus Alnisiensis in ecclesia Xanctonensis, sacre theologie professor, sedis apostolice prothonotarius et sanctissimi domni nostri pape referendarius domesticus ad Almaniam universaque et singula provincias civitates terras et loca Germanie, sacro romano imperio illiusque electoribus et subditis ubilibet subiectis, nec non Dacie, Suecie, Norivegie, Livonie, Pruscie et Russie regna, ac insulas et provincias et alia dominia, terras atque loca illis adiacencia cum plena potestate legati de latere orator nuncius et commissarius apostolicus, salutem. Notum facimus, quod sanctissimus in Christo pater it domnus noster domnus Innocencius papa octavus et modernus concessit omnibus et singulis utriusque christifidelibus pro tuicione orthodoxe fidei contra Turcos eiusdem fidei inimicos iuxta ordinacionem nostram manus adiutrices porrigentibus preter iubileum et alias indulgentias gracias et facultates quas christifideles ipsi obtinere possunt visitando ecclesias per nos aut commissarios nostros deputandas ac si visitassent basilicas urbis tempore iubilei prout in literis apostolicis desuper confectis plenius continetur, quod possint eligere confessorem idoneum secularem vel regularem, qui eis semel in vita ab omnibus et singulis peccatis, excessibus, criminibus et delictis eciam sedi apostolice generaliter vel specialiter reservatis absolutionem plenissimam impendere, ab aliis vero eidem sedi non reservatis vita eis comite tociens quociens eos absolvere et in mortis articulo ac eciam tociens quociens de eorum morte dubitatur eciam si tunc eos decedere non contingat plenissimam omnium peccatorum suorum remissionem eis inpatiri valeat. Indulsit eciam sanctissimus domnus noster motu suo proprio omnes et singulos christifideles huiusmodi ac eorum parentes et benefactores, defunctos qui cum caritate decesserunt in omnibus precibus suffragis, missis, elemosinis, ieiuniis, oracionibus, spiritualibus bonis que fiunt et fieri poterunt in tota universali sacrosancta christi ecclesia militante et omnibus membris eiusdem inperpetuum participes fieri, et ne super premissis a quoquam verti possit in dubium voluit ipse sanctissimus domnus noster, quod presentibus nostris, literis tanta adhibeatur fides quanta adhiberetur, si sub bulla sua plumbea expedite forent, nec non easdem sub quibuscumque generalibus vel specialibus de similibus graciis et facultatibus forsan emanandis revocationibus et suspensionibus nullatenus comprehendi debere, et quia devotus in Christo Johannes abbas monasterii Lambacensis pro se et suo conventu iam existente ad ipsis fidei piam subventionem et defensionem iuxta sumi pontificiis intentionem et nostram ordinationem prout per presentes literas sibi huiusmodi testimonium a nobis traditas approbamus de suis bonis contulerit. Ideo auctoritate apostolica nobis commissa ipsi ut dictis graciis et indulgenciis uti et gaudere possit et valeat concedimus pariter et indulgemus per presentes. Datum sub sigillo nostro ad hoc ordinato die 23. mensis maii anno domini Mcccclxxxx

    Forma absolutionis in vita tociens quociens

    Misereatur tui etc. Dominus noster Ihesus Christus per meritum sue passionis te absolvat auctoritate cuius et apostolica michi in hac parte commissa et tibi concessa ego te absolvo ab omnibus peccatis tuis. In nomine patris et filii et spiritus sancti

    Forma absolutionis et plenissime remissionis semel in vita et in vero mortis articulo vel verisimili

    Misereatur. tui etc. Dominus noster Ihesus Christus per meritum sue passionis te absolvat et ego auctoritate ipsius et apostolica mihi in hac parte commissa et tibi concessa te absolvo primo ab omni sentencia excommunicationis maioris vel minoris si quam incurristi, deinde ab omnibus peccatis tuis contritis, confessis et oblitis conferendo tibi plenissimam omnium peccatorum tuorum remissionem remittendo tibi penas purgatorii in quantum claves sancte matris ecclesie se extendunt. In nomine patris et filii et spiritus sancti

    Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. VI, ab anno 1483-1499, S. 298-300, Nr. 3243
    x
     
    x
    There are no annotations available for this image!
    The annotation you selected is not linked to a markup element!
    Related to:
    Content:
    Additional Description:
    A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.