Fridreich von Gots gnaden romischer kayser etc.

Ersamer geistlicher lieber andechtiger. Wir begern an dich mit vleiss, empfelhen dir auch ernstlich, das du unns an verziehen zway oder drew vas weins und zehen mutt habern zu unsers hoffs notdurft herschickhest und damit nit gesawmbt sein lassest, so wellen wir dir die betzallen oder aber an dem monadtgelt, so auf dir und deinem gotzhaws noch unbetzalt ausstet, abziehen. Geben zu Gmunden an freytag nach sannd Lienharts tag anno domini etc. lxxvii^mo unsers kaisertumbs im sechsundzwaintzigisten jare.