Udalricus Dei gracia episcopus Pataviensis

Favorabili salutacione premissa. Venerabilis devote in Christo sincere dilecte. Instituimus ex officii nostri debito visitacionem monasterii Alte inferioris ordinis sancti Benedicti nostre diocesis tam in capite quam in membris ad diem sancti Anthonii proximi venturi, ad quam visitacionem nonnullos confratres nostros, doctores et iurisperitos deputavimus, verum revolvimus in animo nostro fore utile et neccessarium, ut aliqui patres dicti ordinis huiusmodi visitacioni intersint, ut sic cum maiori fructu, et pro incremento eiusdem monasterii tam in spiritualibus quam temporalibus talis visitacio proficiatur, et quoniam sumopere affectamus te visitacioni docto monasterii interesse tuamque devocionem ad illum [...] quare desideramus quatenus te ad prefatum monasterium [...] constituto conf[...] ita ut in dicto die in [...] constituarum intenturus, unacum aliis visitatoribus quos ad hoc deputavimus visitaciono dicti monasterii. Si vero propter tuam egritudinem, quam dolenter intelleximus, te detineri, cui plurimum eciam condolemus nequires huiusmodi actui interesse, velis tunc aliquem fratrem ex tuo conventu ad hoc abilem et in ea re peritum in termino prefixo ad dictum monasterium destinare, qui unacum aliis visitatoribus per nos deuptatis prefatum monasterium fructuose valeat visitare. Hoc facto tuo debito satisfacies et rem nobis ostendes gratissimam. Datum Patavie ferie tercia post Erhardi anno etc. lxxquinto.