Jacobus sancti Chrisogoni, Oliverius sancti Eusebii presbyteri et Baptista sancte Marie in Porticu diaconus sacrosancte Romane ecclesie cardinales universis et singulis christifidelibus presentes literas inspecturis, visuris, lecturis [...] audituris salutem in Domino sempiternam. Gloriosus et excelsus superne glorie dominus, qui sua mundum ineffabili illuminat claritate pia vota fidelium de ipsus [...]ntissima maiestate sperantium tunc precipue benigno favore prosequitur cum devota ipsorum humilitas sanctorum precibus et meritis adiuvatur. Cupiens igitur ut ecclesia sancte Pancratii in plebania in Obernkirchen Pataviensis diocesis, ad quam dilectus nobis in Christo discretus vir Andreas Hansmulner laicus dicte diocesis [...] gerit devocionem congruis frequentetur honoribus Christique fideles ipsi eo libentius devotionis causa confluant ad illam, quo ex hoc ibidem dono celestis grac[...] se noverint fore refectos, de omnipotentis Dei misericordia ac beatorum Petri et Pauli apostolorum eius auctoritate confisi, omnibus et singulis vere penitentibus et confessis, qui dictam ecclesiam in sancti Pancratii, sancti Georgii militis et martiris, beate Marie Magdalene, sancte Anne matris beate Marie virginis et ipsius ecclesie dedicationis festivitatibus et celebritatibus huiusmodi ecclesiam ipsam devote visitaverint annuatim et ad reparationem, conservationemque [...] librorum, luminariorum aliorumque ornamentorum inibi pro divino cultu necessariorum manus in elemosinis porrexerint adiutrices, nos cardinales [...] et quilibet nostrum cetum dies indulgentiarum de iniunctis eis penitentiis misericorditer in Domino relaxamus et quilibet nostrum relaxat presentibus vero [...] in suo robore duraturis. In quorum fidem et testimonium presentes nostras literas fieri nostrorum sigillorum cardinalatuum iussimus [...] Datum Rome domibus nostris anno Domini millesimo quadringentesimo septuagesimo primo indictione [...] mensis aprilis, pontificatus domni Pauli pape ii anno [...] septimo.