Friedreich von Gots gnaden romischer kaiser||
zu allenn zeiten merer des reichs etc.

Ersamer [geistlicher] lieber andechtiger. Wir haben yecz wider die swern und v[erde]rblichen beschedigung, huldigung, schaczung un[d an]griff, so Jorg vom Stain unsern lannd und lewten [...]glich unpillich zuczewcht, unserm lieben getrewn Reinprechten von Walsse, unserm hawbtman ob der Enns, geschriben und empholhen, unser lanndtlewt daselbs ob der Enns zu sich zu ervordern und weg furczenemen, damit demselben vom Stain sein teglich raisen, solh beschedigung, huldigung und scha[cz]ung der lewt dieweil gewert werden uncz man zu den sachen mit ernst tun muge, das wir dann [h]offen kurczlich zu beschehen, daz er auch ew und annder unser preleten, vonn steten, merkhten und unser urbarlewt daselbs ob der Enns die irn zu schikhen aufervorder oder gelt davon man lew[...]emelten sachen aushalden mug, so vormals auf ew und sy gelegt ist, von ew und i[... E]mphelhen wir ew ernstlich und wellen, wann ew der benant unser hawbtman die ew[...]n furnemen zu schikhen aufervordern oder das gelt, so zu abvertigung des benantn vom [... v]ormals auf ew geslagen ist, von ew ervordern werde, daz ir im dann darynn gehorsam se[...] ewern auf das meist und sterkhist, so das gesein mag, schikhet oder das bemelt gelt demselben unserm hawbtman an vertziehen raichet und antwurttet, damit man annder lewt zu den sachen notdurftig aufnemen und davon aushalten muge und deshalben nicht manngls sunder dem bemelten furnemen nachganngen wie auch ir selbs lannd und lewt solher beschedigung und unrats vertragen beleiben und in frid und gemach gesetzt mugen werden und darinn nicht annders tut, daran tut ir unser ernstliche maynung. Geben zu der Newnstat an suntag nach sand Jacobs tag im snit anno domini etc. lxvii^o unsers kaisertumbs im sechzehenten jar.