Wir Thoman von Gots gnaden abbt ze Lambach bekennen mit dem brief, das uns an ainem besigeltem aufgabbrief aufgesandt habent Jacob Kramer, burger ze Wels, und sein hawsfraw Anna, und habent mit verdachtem mut und gutem willen recht und redleichen verkaufft den halben Krewtzhof zenagst dem Kirichhof gelegen in Talhaimer pharr, und erbrecht ist von uns und unnserm gotshaus, und hat den ze kauffen gegeben Jorigen Topler im Podelspach, Thomann des Topler daselbs weilandt gesessen seligen sun, seiner hausfrawn Kunigunden, Gabrieln des Grubers zum Stainhaus tochtter, und iren baiden erben umb ain sum gelts, der sew gancz und gar ausgerichtt und beczalt worden sind zu rechtten tagen an allen schaden. Also haben wir im dem yetz benanten Jorigen Topler, seiner hausfrawn Kunigunden und irn baiden erben den obgemeltten halben hof mit aller seiner zugehorung bestett und verlichen, was wir in rechtleichen daran bestetten und verleichen sullen oder mugen, doch das man uns und unnserm gotshaus all jar jarleichen davon raichen und dienn sol zu unnser lieben frawntag der dienstzeit vier metzen korn, funffczechen metzen habern, und zweliff Wienner pfenning, zu dem prehentag dreissigk Wienner pfenning ze pawstewr, zu sannd Jorigentag zechen Wienner phenning ze vogtsteur, zu sannd Michelstag zechen Wienner pfenning ze weinfur. Es sind auch dy obgenanten Jacob Kramer, sein hausfraw Anna und irer baider erben des obgemeltten halben hoffs mit aller seiner zugehorung des bemeltten Jorigen Topler, seiner hausfrawn und irer baider erben recht gwern und furstandt fur all rechtleichew ansprach, wo und wann in des not und durft beschiecht mit dem rechten, als dann solhs kauffs und lanndes ob der Enns recht ist. Wir offen auch, das sy kainerlai wanndlung damit nicht haben sulln in kainerlay weis an unnser handt und gutem willn, und solln uns auch alles das davon leyden und dulden, das annder unnsers gotshaus erbler gein uns leydent und duldent unverzigen unnsers gotshauss rechten in allen sachen. Ze urkund des briefs, den wir in also darumben geben, besigelt mit unnserm anhanngundem insigel. Geben als man zalt nach Kristi geburd in dem vierczechenhunndertundsechsundsechczigistem jare an freitag nach sannd Luceintag.