Wir Thoman von Gottes genaden abbt ze Lambach bekennen mit dem brief, das fur uns komen ist Anna, Wolfganng des Fridel auf der Lewtten hie ze Lambach hausfraw und Paulen des Reindleins seligen tachtter, und hat mit wolbedachtem mut und gutem willen recht und redleichen verkaufft das gut vor dem Hard, gelegen in Gunskircher pharr, das ir zu irm tail zugetailt und gevallen ist an rechtter tailung als ir rechts vaterleichs und muterleichs erb mit willen irr muter Kathrein, des vorberurten Paul Reindleins seligen witib, als sy das vor unnser und anndern frumen lewten bekant hat, und das erbrecht ist von uns und unnserm gotshaus, des wir unnderweist worden seinn mit briefleicher urkund, ausganngen von unnserm vorsedel abbt Johannsen seliger gedachtnuss, und hat das ze kauffen gegeben Erharten, Jacoben, gebruedern den Scherhewffleinn und allen irn baiden eriben umb ain sum gelcz, der sy und ir obenanter man der Fridel gancz und gar ausgerichtt und beczalt worden ist zu rechtten tagen an allen schaden. Also haben wir in den yetz bemeltten den baiden brudern Erharten, Jacoben und irn baiden erben das obgenant gut mit aller seiner zugehorung bestett und verlichen, was wir in rechtleichen daran bestetten und verleichen sullen oder mugen, doch das man uns und unnserm gotshaus all jar jarleichen davon raichen und dienn sol zu unnser lieben frawntag der dienstzeit funnffczigk Wienner phenning und sechs huener, zu dem prehentag zwainczigk Wienner pfenning ze pausteur, zu sannd Jorigentag funnff Wienner phenning ze vogtsteur. Es ist auch die obgemeltt Anna mitsambt ir ir oberurten man der Fridel und irer baider erben des obgemeltten guts mit aller seiner zugehorung der obenanten baider bruder und irr baider erben rechtt gwern und furstandt fur all rechtleichew ansprach, wo und wann in des not und durfft beschiecht mit dem rechten, als dann solhs kauffs und lanndes ob der Enns recht ist. Wir offen auch, das sy kainerlay wanndlung damit nicht haben sullen in kainerlay weisen unnser handt und gutem willen, und sullen uns auch alles das davon leyden und dulden, das annder unnsers gotshauss erbler gein uns leydent und duldent unverczigen unnsers gotshauss rechten in allen sachen. Ze urkund geben wir in des also den offenn brief, besigeltem mit unnserm anhanngundem insigel. Geben als man zalt nach Kristi geburde in dem vierczechenhunndertundfunffundfunnffczigisten jaren an mantag vor sannd Jorigentag des heiligen ritter und martrer.