OÖLA, Kopienarchiv, HS 67, Lambacher Urkundenregesten 1444-1459, S. 339 Nr. 1692
Current repository:
Stiftsarchiv Lambach (www.stift-lambach.at)
Hängesiegel fehlt
Material: Pergament


Reverendissimo in Christo patri et domino domino Leonardo, Dei et apostolice sedis ... a permissione abbas totusque conventus monasterii S. Mauricii in Altach inferiori, ordinis sancti Benedicti, vestre diocesis cum subieccione reverenciali oraciones humiles et devotas. Quia ecclesia parrochialis sancti Petri apostoli in Swarczach dicte diocesis, cuius ad nos ius pertinet patronatus, per liberam cessionem dilecti nobis in Christo fratris Rudolfi ultimi et inmediati eiusdem ecclesie rectoris ad praesens vacat, idcirco ne dictam ecclesiam in spiritualibus iacturam et in temporalibus contingat perpeti lesionem, nos ad eandem ecclesiam vestre paternitati reverendissime dilectum in Christo fratrem Symonem nostri monasterii presbyterum professum in decretis licenciatum tenore presencium presentamus, supplicantes humiliter et devote, quatenus eundem de dicta ecclesia investire eique curam animarum cum administracione spiritualium et temporalium committere dignemini graciose in eo nobis facientes graciam singularem. Datum anno Domini millesimo quadringentesimo quadragesimo nono die vicesimosecunda mensis iunii.
Lambach, Stiftsarchiv, Urkunden (992-1600) 1449 VI 22, in: Monasterium.net, URL <https://www.monasterium.net/mom/AT-StiAL/LambachOSB/1449_VI_22.1/charter>, accessed 2025-06-07+02:00
The Charter already exists in the choosen Collection
Please wait copying Charter, dialog will close at success