OÖLA, Kopienarchiv, HS 67, Lambacher Urkundenregesten 1444-1459, S. 324 Nr. 1618
Current repository:
Stiftsarchiv Lambach (www.stift-lambach.at)
Hängesiegel
Material: Pergament
- rubrum:
-
Leonardus episcopus Pataviensis concedit decimas nonalium in certis parrochiis
-
Codex Archivi 8, S. 257
Leonardus Dei et apostolice sedis gracia episcopus Pataviensis universis et singulis presentes litteras inspecturis salutem in Domino. Et si ad quoslibet nostre dicioni subiectos dexteram debeamus extendere adiuctricem illos tamen maioris prerogativa favores amplectimur, quos in iugi Dei servicio agnoscimus bene diligentes. Cum itaque venerabilis in Christo sincere dilectus Thomas abbas totusque conventus monasterii beate Marie virginis in Lambaco ordinis sancti Benedicti nostre diocesis nobis humili precum instancia suplicarunt quatenus eis monasterio iam dicto decimas novalis in infrascriptis parochiis videlicet Wells, Gunzkirchen, Wydemspach et Rustorf in fundis ipsius monasterii provenientes de solite nostre pietatis benevolencia dare atque donare dignaremus. Nos itaque peticionibus prefatorum abbatis et conventus plurimi inclinati pro ipsorum uberiori sustentacione, ut omnipotenti Deo eo quietiorem famulatum possint reddere ipsis ac eorum monasterio omnes et singulas decimas novales in parochiis et fundis suprascriptis exortas seu inposterum ibidem orituras auctoritate ordinaria et ex certa nostra sciencia dedimus atque donavimus ymo harum tenore damus atque donavimus circa prefatum monasterium perpetuo permansuras. Harum testimonio litterarum datum Patavie tredecima die mensis augusti anno Domini millesimoquadringentesimo quadragesimooctavo.
- Passau
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}