Wir Thoman von Gottes genaden abbt ze Lambach bekennen mit dem brief, das fur uns komen ist Pauls Kramer burger ze Wels und hat mit wolbedachtem mut und gutem willn recht und redleichen verkaufft die wisen, genant die Zartinn gleich halbe mit aller zugehorung seinem sun Jacoben dem Kramer, auch burger ze Wels, seiner hausfrawn Anna und allen seinen eriben umb ain sum geltz, der er gantz und gar ausgericht und beczalt worden ist zu rechtten tagen an alln schaden. Also haben wir im dem benanten Jacoben, seiner hausfrawn und alln sein eriben die benanten wisen gleich halbe mit aller zugehorung bestett und verlichen, was wir in rechtleichen daran bestetten und verleichen sulln oder mugen, doch das man uns und unserm gotshaus all jar jarleichen davon raichen und dienn sol zu unser lieben frawntag der dienstzeit zwenunddreissigk Wienner phenning. Es ist auch der obgenant Pauls und all sein eriben der berurten halben wisen mit aller zugehorung des obgenanten Jacoben, seiner hausfrawn und aller seiner eriben rechtt gwern und furstanndt fur all rechtleichew ansprach, wo und wann in des not und durft beschiecht mit dem rechten, als dann soleichs kaufs und lanndes ob der Enns recht ist. Wir offen auch, das sy keinerlay wanndlung damit nicht haben sulln in kainerlay weis an unser hanndt und gutem willen, und sulln uns auch alles das davon leiden und dulden mit stewrdienst und aller annder vordrung an allew widerred, das annder unsers gotshauss eribler gein uns leident und duldent unverczigen unsers gotshauss rechten in allen sachen. Ze urkund geben wir in des also den offenn brief, besigeltem mit unserm anhanngundem insigel. Geben als man zalt nach Kristi geburde in dem vierczechenhunndertundsibenundvierczigisten jaren an mantag nach sannd Greiorigen tag.