Erwirdiger geistleicher und lieber herr, ewer wirdikait meinn dinst zevor. Als ew mein lieber vetter, der erber Wolfganng Czinispan mit seinem offenn besigelten brief meins veterleichen eribs aufsennd ainen hof zu Awrtal in Stainekircher pfarr und ain wisen, genant die Veldhaimerin gelegen bei Grunpach oberthalb Wells, so von ew und dem gotshaus ze Lambach eribrecht rurt, und bittew in sunderm vleis, ir wellet mir und mein erben denselben hof ze Awrtal und die benant wisn mit irn zugehorung verleichen und mir die lechenschaft bei dem gegenburtigen meim lieben eleichen mann Albrechten dem Greysnegker sennden alswol ich ew vertraw, das wil ich umb ewer wirdichait und das gotshaus ze Lambach gern verdienn. Geben under des edln Linharts des Frodnaher insigl, den ich des gebeten hab an suntag vor sannd Thomanstag anno Domini etc. xliiiio.

Helen, Albrechts dez Greysnegker eleiche hausfrau