Ich Lyenhartt Schrettenperigar, ich Toman sein prueder, ich Torey ir sbester, ich Anna ir sbester, und ich Anna auch ir sbester, und Anna ierar sbester tochter, und ich Peter Schuestar zu Talhaim, ich Christan sein prueder, ich Ellspett die Hawsruklin ir sbester, ich Anna ir sbester, ich Marigrett ir sbester, ich Kattrey ir sbester, pechennen all unferschaydenleich mit dem offen prief, daz wir unserm lyeben vettern Hanns ab dem Aygen und allen seinen eriben unsern eribtayll allen zu chaufen geben haben zu Waczing, den wir zu erib gehabptt haben von unserm genadigen herren abptt Toman zu Lambach. Allso pitten wir allew obpenantt unferschaydenleich unsern obpenanten hern abptt Teman czw Lambach, daz er unserm obpenanten vettern dem Hannsen und sein eriben prief und sigel daruber geb nach seinar notturft, daz ist unser aller guetleich will und wartt. Mit urchundtt dez priefs peczeugtt mit dez edlen vesten Wollfgang dez Anhangar zu Choppach aygen furgetrukchten petschaft, iem und allen seinen eriben an schaden. Geben an sand Torotheatag anno im xliiii jar.