Dem erbirdigen geistleichen herrn hern Taman abt zw Lambach unserm genedigen lieben herrn empieten wir ich Jorig, Philipp und Hanns, Mathesen von Palczing seligen sun anstat unser und unsers lieben brueder Asem, und ich Anna, Kunraten des Zehentnar hawsfraw, und ich Barbara, Hannsen Mayr von Selling hawsfraw und ich Marigret, Petern von Marnpach hawsfraw, auch des obenanten Mathesen von Palczing tochter, unser willig dinnst zwvor, und tuen ewren genaden zw wissen, das wir dem edlen vesten ritter hern Joring dem Perchkaymer, frawn Susanna seiner hawsfrawn und ir payder eriben verkauft haben unser sechstail, so wir gehabt haben an der hueb zw Offenhawsen im darff gelegen, da iecz unser vetter Helmel aufsiczt und vor zeiten des Weissen gebesen ist, und unser erib von ewrn genaden ist, als ir daz an dem kaufpriff werdet vernemen. Pitt wir ewr genad dimuetichleich den kauff bestetten und den prieff sideln, das wellen wir umb ewr genad gern dien. Mit urkundt des prieffs besidelten mit des edeln Joring Treitelchofer aufgedruchten insigel, den wir darumb vleiss gepeten haben, im, sein eriben an schaden, darunder wir uns fur uns und unser eriben verpinten alles das war und statt halden, das der prieff innhalt, der geben ist am manntag nach sand Thomastag anno Domini im drewundvirczigisten jare.