Dem erwirdigen und [g]eistleichen herren hern abbt Taman zw Lambach, meinem genedigen herren embeut ich Hanns Hueber, purger zw Wels, mein willig gehorsam diennst. Als ich eurn genaden zwen brief hab furbracht wurden Chesein die nun uber und aufgeben haben die zway tail an dem gut zu Mittern Leb, das sew von eurn vorvodern seligen zu lehen gehabt haben, und dasselb gut alles mitsambt seinen zuegehorung gib ich noch eurn genaden auf und bitt eur genad, ir das gut dem Smid zu Puchkirchen verner bestetten mit eurm sigel nach des goczhaws rechten, das wollen wir ich und mein miteriben gern umb euch verdienn, das sennd ich eurn genaden den brief mit des erbern Daviden des Gagier, purger zw Wels mit seinem aufgedruketen sigel, den ich mit fleis darumb gepetten hab, im und sein eriben an schaden, wann ich dieczeit grabens insigel nicht enhett. Geben zw Wels an suntag nach sand Veicztag anno Domini etc. xxxvio.