Ich Nyklas Semlpekch purger zw Rastat, mein hawsfraw und all unser erben veriehen offenlich mit dem brief und tuen chunt allen, den er furchumpt, das wir unverschaydenlich schuldig sein und gelten sulln dem erbern mann Andren aus dem Mos und allen seinen erben acht phfunt phfennig gueter munzz, die dann ze Rastat in dem gericht gib und gab sein. Wir sullen sew auch, oder wer uns mit dem brief ermant, von iren wegen mit irem gueten willen der obgenanten acht phfunt phfenning weczalen und unvertzogenlich ausrichten vier phfunt pfenning auf sand Gorgentag der nu schirigst kumpt, und vier phfunt pfenning darnach auf sand Gorgentag uber ain ganczez jar. Tatten wir dez nicht, was sew dann yedez geltz nach yegleicher frist schaden namen, wie die genant oder gehayssen wurden, chainen schaden ausgenomen, den ir ains oder ir scheinpot an irer stat, oder wer den brief von iren wegen innhiet oder furpracht mit schlechten worten pey seinen trewen gesprechen mocht an ayd und an all ander webarung, die selben schaden zwsampt dem [...]genanten hawptguet loben wir in gar und ganczlich abczetun und widerzechern, und sullen sew hawbtguet under [...] allczeit haben und gewortund sein, dacz uns und dacz unsern trewen und darzw auf aller unser hab die [...]nd haben oder hinfur gewinnen, wie die alle genant oder gehayssen ist, nichtz davon ausgenomen, die sol [...] rechtz vorphfant sein var allen lawten und andern unsern geltern, als lang uncz daz sy hawbtgutz? [...] davon ganczlich ausgericht und gewert werden. Und daz in daz allez stat und unczebrochen [...] uber zw ainer urchund der warhait geben wir in den offen brief, versigeltn mit dez erbern [...]gartner, dyzeyt purgermayster zw Rastat aygen aufgedrukchtn petschaft, das er durch [...] den brief gedrukcht hat, im und seinen erben an schaden. Des sind zeugen Hanns [...]schreiber, Fridreich Player und ander erbar lawt. Der brief ist geben am pfincztag [...]ach Christi gepurd vierczehenhundert und im zwainczigisten jare. Auch ist ze [...] zwayer sand Jorgentag mit gelt [...]statn sull chomen wen im [...]