Dem erwi^erding, geystlichen unserm gena^edigen herrn abbt Symonn zu Lambach und dem wi^erding convent da selbs en¬ bieten wi^er vi^er geswistred Anna, Kathrey, Marigret Tho^eman Chunracz Ko^erntewr an dem Chlehoff sa^eligen kinder unser willig di^enst. Wi^er haben uns frewntleich gericht mit unser lieben swester Offneyn umb all unser eribschafft und rechten, so wi^er mit i^er gehabt haben an dem Chlehoff, gelegen nyderhalb der stat zu Wels in der selben pharr und erib ist von ewch und ewrm goczhaus unser eribschafft und rechten des selben hoffs wi^er uns fu^erczicht tu^en und tan haben und ewrn gnaden auf geben mit dem brieff und pitten ewr aller wi^erdichait, den hoff mit seiner zwgeho^erung und all unser rechten dar an zu leyhen und mit ewer payder insigel zu sta^eten der obgenanten unser swester Offneyn i^eren frum damit zu schaffen, das ist gueter unser will und wellen es gern umb ewch verdienn und beczewgen das mit des erbern U^elreichs des Geltinger anhangundem insigel y^em und sein eriben an schaden, den wier mit fleizz dar umb gebeten haben und des sind auch zewgen her Peter der Rueshaymer, pharrer zu Puchkirichen, her Hanns Aues, sein gesell, Chunrat Zeller, ambtman da selbs, Chunrat von Hag. Der brief ist geben am mitichen vor dem auffert tag, da man zalt virczehen hundert jar, dar nach in dem fu^enfften jar.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 563, Nr. 467