Wir Vlreich von gots gnaden Abpt ze Lambach vnd daz gancz Conuent da selben, veriechen offenlich mit dem prief, vnd tu^en chunt allen den dy^e in sehent, ho^erent oder lesent, daz wi^er mit wol bedachtem mu^et vnd mit veraintem rat verlihen haben dy Ha^oselpeunt gelegen in Gaspolczhoffer pharr, Elspeten Gorings (!) hawsfrawn, vnd Hansen i^eren sunn vnd allen i^eren eriben, ze ainem rechten eribrecht. . mit allen den nuczen, eren, di^e durch recht dar czu^e gehörnt ze holcz, ze veld, versu^echt vnd vnuersu^echt, Mit der beschayden, daz man vns vnd vnserm goczhaws jaerleich da von dy^enen schol, an vnser frow^en tag zder di^enst zeit Sechczig wyenner phenning vnser frown in dy^e gustroey^e, vnd an dem Prehentag zwanczig phenning cze pawsteur vnd nicht mer, vnuerczigen vnsers goczhaws rechten in allen sachen. Wir offen awch, daz wi^er awf dem vorgenanten gu^et schullen haben ein gesessen holden, da wir vnser rechten vnd vnser fo^edrung wol von bechommen mo^egen. Daz in dy redd (!) stett, gancz vnd vnczebrochen peleib, dar v^eber geb wi^er in den prieff versigelten mit vnserm vnd vnsers Conuent anhangunden insigeln. Der geben ist nach Christi gepu^erd v^eber drewczehen hundert jar dar nach in dem acht vnd Su^ebenczgesten Jar an dez Heyligen Herrn sand Ypo^eliten tag.

Source Fulltext: OÖUB 9 (Wien 1906) S. 490